Sipolay 13:16 - Seysyo No Tao

¹⁶ Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Sipolay 13:16 Iomraidhean Croise

Locya 18:22

Mamizing na ni Yeso o ciring na am patonggalan na. Maniring am, “Am yasa ka vazay pa o mo jya nimahap. Miminen mo a ipanazang o kangangay mo a itoro do ipangoyongoyod da tao. Ta ori o iyan na no keynakman mo do teyngato, a kapacilolo mo rana jyaken.”

Nimlivolivon 10:38

Nioyatan na no Seyzi si Yeso a tao do Nasale. So nilivolivon na mangiwakwak so meykeyngeyngen a tao a mamozwaw so kalamsoyan ni Satan a komovot do tao, do kapacikaop na jya ni Ama ta do to.

Nimlivolivon 9:36

Do Yepey rana ili da am amyan so asa ka mavakes a omraralay ni Yeso a meyngaran si Tapitay. O ngaran na do ciring no Sila am si Tocya. Peypeypangayan na am ibosbosan. Aro apiya vazay na, ta sidongen na sira o abo so nizpi a tao.

Loma 12:13

Sidongen nyo sira o makasi a tao a akma nyoy kakteh do cinai. Taotawwen nyo sira o minangilili a tao.

Cyalatay 6:10

Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

Cyalatay 6:6

Inyo rana da pamizngen no nanao ni Ama ta do to am sidongen nyo o yamapamizing jinyo no nanao na ni Ama ta do to a tao. Ipanta nyo sira so makakaday a apyahen da no nakem.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

Veydipi 4:14

Am tey yapya o nisidongan nyo jyaken do alalaw ko.

Veydipi 4:18

O nyo nyazaw jyaken a apzapzatan am ko na nimamimin a yanimahap. So ko to meypanpani jya. Si Ipaloti a akma tey kakteh am ori o yanimai no aro a azaw ko. So na sarayan nya ni Ama ta do to so akma nyoy nakem jya.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

2 Tesalonicya 3:13

Manga kakteh, ji nyo macimazai o kapeyvazay nyo so apipiya vazay.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

Veydimeng 1:6

Ko ipeynozi ji Ama ta do to o kapeyraporapong na jyaten do yata kakmey yasa a yamraralay ni Ama ta do to. So ipakateneng ta do makakaday a apya vazay a mamimin a apo ji Kizisto, do yata kapeyhanhan ni Kizisto a yasomidong jyaten.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

3 Yowani 1:11

Ji mo nginara o akman sang a marahet, mo keypong an, ta kahap mo so apiya vazay. Ta o apya so icicirawat am macikaop ji Ama ta do to. O marahet so icicirawat a tao am ji meyngongyod o akman sang a makateneng ji Ama ta do to.