Sipolay 13:1 - Seysyo No Tao

¹ Mangday kamo do araraw a masicyakarilaw a akman so meyketeketeh do cinai.

Sipolay 13:1 Iomraidhean Croise

Yowani 15:17

Masicyakarilaw kamo an, ta ori rana am ciring ko jinyo.

Nimlivolivon 2:1

Marateng rana o araw no Osinci am meylovolovot sira o amraralay ni Yeso do asa ka vahay.

Nimlivolivon 4:32

Omraralay rana ni Yeso a tao am meyyangangay o onowned da. So ikabo no asa ka tao a maveyvow do kangangay na, ta akma dey todalovoci apzapzatan.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 4:3

Makowyowyat kamo pa mapeyyanowanop so kadwan jinyo. Ta ori o icyakma nyoy yasa so onowned a yanan no Seyzi.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

2 Tesalonicya 1:3

Manga kakteh, namen mangday do araraw inyo a isaray ji Ama ta do to. So ikanoyong na no akman sang an. Ta yakamo meypahagnat so nakenakem do yanyo kapeypakdeng so aryarilaw so kadwan jinyo.

Sipolay 10:24

Manakem ta o kapait ta so nakenakem do kadwan jyaten. Manakem ta o kasidong ta so kadwan jyaten a mapatwaw so pangangarilawan na ni Ama ta do to.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 2:17

Ikanig nyo o kadwan jinyo. Ikarilaw nyo sira o akma nyoy kakteh do cinai. Panadnaden nyo si Ama ta do to. Ikanig nyo sira o makayokod ninyo a tao.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.

2 Pite 1:7

Makakdekdeng kamo pa omraralay ni Ama ta do to a marilaw no akma nyoy kakteh do cinai. Inarahen nyo si Ama ta do to so pangarilawan a marilaw no aro a tao.

1 Yowani 3:23

O ciring na jyaten ni Ama ta do to am anoyngan ta o Anak na si Yeso Kizisto a manci no kapasicyakarilaw ta.

1 Yowani 4:20

No amyan so tao a manci no kararalay na ni Ama ta do to a kapacioya na pa do akma ney kakteh do cinai am mangalalas a tao o akman sang. Ta kaji na aryarilawan no macita na akma ney kakteh do cinai a imanngo rana yajyacita ta Tao do to.

Ipaziman 2:4

Am yamyan so yasa ka vazay a yako oyyan ninyo. Ori rana am yarana nimablis o nyo kararalay nyaken. So nyo rana jyakmai no kakwa so onowned.