Sipolay 12:25 - Seysyo No Tao

²⁵ Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Sipolay 12:25 Iomraidhean Croise

Matay 17:5

Ji na pa teyka ni Pite o ciring na am to ngyan so cinalab a ombengbeng sira a keyyan no ciring a maciralay do cinalab ang. Maniring am, “Iya rana am ney kaglaw ko Anak ko. So sarayan ko nya. Amizngan nyo sya.”

Matay 8:4

O nipakoyokoy na pa jya ni Yeso am, “Ji mo meycicicyan an. Ta yangay mo a ipacita do mapatanatanang so nakem ta si Ama ta do to a tao a kavalivaliw na so kataotao mo a kapangozay mo do iwawalam na ni Moyse a mapatanang so nakem mo ji Ama ta do to. So anoyngan da jimo no tao a nimapya rana so kataotao.”

Nimlivolivon 7:35

“Si Moyse rana am ji dakzan no keylyan na a somidong sira. Maniring sira am, ‘Sino nimamnek jimo a yatomalamozong nyamen.’ Am iya rana am nipamnekan ni Ama ta do to a amyokod nira a komaro do Ayci, do kanisomidong na sya no tinsi a nimacisirsiring jya do amlila tazici ang.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

2 Timotay 4:4

So bengbengan da so cicilwan da ji ngamizing so manoyong a nanao a kamizing da so nipapo no tao a kavavatanen.

Sipolay 1:1

No kakwa pa am masangib si Ama ta do to a somapasapa so pazyazimanan na so ciriciring na do ineynapo ta. O ciriciring na rana am patwawen da no panoyonoywan na so ciring ni Ama ta do to.

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

Sipolay 12:19

Amyan dang so meyzapa kano izezyak ni Ama ta do to. Mamizing da ori no aro a tao am to da na pakeka si Ama ta do to. Ta manyahey sira.

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

Sipolay 3:17

Sino sira o nioya ni Ama ta do to a makasikapat (40) so awawan. Sira saon o nimawakwak do kabwan no nihakawan no tao am, do kanimeyraraten da.

Sipolay 8:5

O vazay na no mapatanatanang so nakem no tao ji Ama ta do to do teyrahem am akmey avwavong no meyngongyod a vazay do teyngato. Ta ninara da o vazay do panaralayan do teyngato. O ipakateneng ta do akman sang am yamyan do Seysyo o nipanci na ni Ama ta do to ji Moyse no kapangamaog na so raralayan da ni Ama ta do to. Maniring jya si Ama ta do to am, “Naknakmen mo an. Ta to mo peynara o panaralayan a nipacita ko jimo do tokon so kamamaogan a paringen.”

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Ipaziman 22:9

Am maniring jyaken am, “Ji ka akman sang. Ta yaken rana ka nimo a kano akma moy kakteh do cinai a yana panoyonoywan so ciring a kano yamangozay do ciring do vakong eya am to meyyangangay a lamlamsoy na. So ikapyapya na pa ni Ama ta do to a iraralay mo.”