Sipolay 12:23 - Seysyo No Tao

²³ Inyo rana am kamo na nimakaranes do da kalwalovotan no yamraralay ni Ama ta do to a tao a yadomket so ngaran do teyngato. Inyo rana am kamo nimakaranes do yanan ni Ama ta do to a mapeykapyapinpinan so aro a tao. So yanyo ikanoyong rana yarana nimakaranes do na kabwan no yameyraraten a tao.

Sipolay 12:23 Iomraidhean Croise

Locya 10:20

Am ji nyo narayan o kamizing da jinyo no kalamsoyan ni Satan an. Ta isaray nyo o na kapadket rana so ngaran nyo do teyngato ni Ama ta do to.”

Yowani 5:27

Na nitoro jyaken ni Ama ta do to o oyowyat a yamapacici a mapeykapyapinpin so tao. Ta yaken rana am Nipamnekan na ni Ama ta do to a tao.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

1 Kedinto 13:12

O tamo katenngan sicyaikwaya am akmey avwavong apo do kowpasan a kagami a jyasingkad. Am no makwa am mapengkad ta rana. So ta pa ji makamimini si Ama ta do to a katenngan sicyaikwaya. Am no makwa am manoyong o kapakateneng ta rana jya, akman si Ama ta do to a makamimin jyaten a yakatenngan.

1 Kedinto 15:49

So na iyan rana jyaten no kataotao ta do karawan. Am no makwa am amyan rana so kamamagen ta a kataotao ta do teyngato akman so kataotao na ni Yeso.

1 Kedinto 15:54

No mateyka rana ori am ori o ipangononong na rana no ciring do Seysyo. Ta maniring am, “Na rana nibalinas o kawakwak no tao. So ikabo na rana no tao a mawakwak.”

2 Kedinto 5:8

So ikanoyong ta rana jyavokahaw a toda ji ngamaog so kataotao ta do karawan a mangay a macitovong ji Yeso a Panirsirngen ta.

Ivoso 1:22

Abo ji na nalamozongan ni Kizisto do karawan. Ta iya o yameymatmatngeh nyaten a omanoyong jya tao.

Veydipi 4:3

Imo rana mo kahakay a kararay ko am sidongen mo sira an. Ta sira rana am mina kararay ko a kani Kedimong a kano kadwan jyamen. Sira ori o nimahap so vazay na ni Ama ta do to. Ta sira rana am yana domket o ngaran da do vakong na ni Ama ta do to a yamanoyong a makahap rana so to meyyonong a ikavyay no pahad da.

Kelosi 1:12

Isaray nyo si Ama ta do to. Ta iya o yanimapanop jinyo a yamraralay nya. So nyo ikanoyong rana yamyan do kazngangan.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

1 Timotay 3:5

Ta no ji na tenngi o vazay na do vahay da am jyabo kapakatalamozong na no kyokay a.

Sipolay 11:4

O nikapyapya na no nipatanang ni Yapo a kani Kayin ji Ama ta do to am nipeyhanhan na ni Yapo si Ama ta do to. Ori o nisarayan na nya ni Ama ta do to. Ori o nyabnekan na sya abo so raraten do tangain na, do kanoyong na meyhanhan ni Ama ta do to. Tana yana rana mownay si Yapo a nimawakwak am nitaid na jyaten o kakdeng ta a meyhanhan ni Ama ta do to.

Sipolay 11:40

Ta amyan so nipamnekan na ni Ama ta do to a apyapya pa a itoro na jyaten. Ori rana am pehzahen na sira jyaten a makahap so to meyyonong a ikavyay no pahad da do teyngato a yazaw na sira.

Sipolay 2:12

Maniring am, “Mo Ama do to, ipeylimwang ko do akma koy kakteh o ngaran mo. Anooden ko imo do tangain no aro a tao.”

Sipolay 9:27

Mamimin o tao a ipisa mawakwak. Am no mawakwak o tao am pacicin na ni Ama ta do to.

Yake 1:18

Na to mangozai o nakem na a manci nyaten akma ney anak. Ta yaten rana am ipeyhanhan ta o manoyong a nanao na. Am ori o yata iyan do ney manokdwan na do makakaday a nyamamaog na.

1 Pite 2:23

No kavay da sya am abo o asa ka ciring na nipasapan na jira. No kapeyyalilima da jya am abo o asa ka ciring na yalalaw na sira. Ta kapasyasi na ji Ama ta do to a yamapeyyangangay so tao.

Ipaziman 13:8

O tao rana do karawan a jidket so ngaran do vakong no niwakwak da Kagling a yanan na rana no to meyyonong a ikavyay no pahad da tao am ori o amraralay nya. O vakong rana ya am na adketan no ngarangaran da no kaji na pa mangamaogan so karawan.

Ipaziman 14:4

Sira rana am ji nagpyan so aktokto sira a macilocilolo do angayan no Kagling. Sira rana am nipasakay na sira do kapyapyan. So ipanoma da nira patanangen ji Ama ta do to a kano Kagling.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.

Ipaziman 6:11

Makarahan am maponged sira no malavang a magorogod a kapakamizing ko so ciring a manci nira meywalam pa, mangay no si mablit rana sira o kararay da a mahap so vazay ni Yeso Kizisto a akma dey kakteh do cinai a akman sira wakwaken da.

Ipaziman 6:9

Pakarwen na no Kagling o ikalima no nipadketan a vakong am macita ko dobo no patanatanangan so nakem o pahad da no niwakwak da a ji macimaza no kapeylimwang da no ciriciring na ni Ama ta do to.