Sipolay 12:22 - Seysyo No Tao

²² Am inyo am kamo nimai do Sian a tokon. Ori rana am to meyyonong ori a yanan na ni Ama ta do to, akmey Yelosaleng do teyngato. Do dang rana am yajyavilangi o tinsi ni Ama ta do to amraralay nya.

Sipolay 12:22 Iomraidhean Croise

Matay 16:16

Maniring si Simong Pite am, “Imo rana am Misayya ka, Anak no yato meyyonong a mavyay a Tao do to.”

Matay 5:35

Taosya o kapacipeyyeyyan nyo so nakem do tana, ta akma ney zazasagan ni Ama ta do to o teyrahem. Taosya o kapacipeyyeyyan nyo so nakem do Yelosaleng, ta ili ori no maizay a Panirsirngen.

Loma 11:26

So ikamimin da no Isedi a tao ahapen na ni Ama ta do to. Ta maniring do Seysyo am, “Amyan so mai apo do Sian a mapatazadang jinyo do teyngato. Iya rana am vonasen na o raraten da no tao do Yotay a sivosivovoong na ni Yakebo.

Loma 9:26

“Nipanci ko na jira no kakwa pa o kaji ko mapeyyanakan sira. Am ko na abneken sira sicyaikwaya anak ko, ta yaken rana am to ko meyyonong a mavyay a Tao do to.”

Cyalatay 4:26

Am o mavakes a meyngaran si Salay am akma tey ina, do kakma ney mapehngehngay sya do Yelosaleng do teyngato a ji rana nalamozongan no iwawalam na ni Moyse.

Ivoso 2:19

Am ori an, ikabeken nyo rana kadwan a beken a tao do Yotay an. Ta tamo na mamimin a akma ney anak ni Ama ta do to a yakmey yasa ka vahay.

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

2 Timotay 4:18

So ikanoyong na ni Ama ta do to a mahap jyaken a komaro do kanginanawan ko do maciocioya jyaken a tao, mangay no si ahapen na rana yaken do teyngato. Inaoy no to meyyonong o kazwazway ta si Ama ta do to. Amin.

Sipolay 10:31

Si Ama ta rana do to am to meyyonong a mavyay. Am ori o to da makasii no pasingsingtan na tao!

Sipolay 11:10

Ta anoyngan na ni Apolahan o meypanam pa amaogen ni Ama ta do to a tey meymatek a ili do teyngato.

Sipolay 11:16

O ikakza da am apyapya pa vahay do teyngato. Am ori o ji na macimanigi nira ni Ama ta do to no kapanci da nya Ama da do to. Ta amyan rana so hapan na sira ili.

Sipolay 13:14

Ta abo do karawan eya o to meyyonong a peyvahayan ta. Am ori o ta kalan so to meyyonong a angayan ta no makwa.

Sipolay 3:12

Inyo rana akma koy kakteh do cinai am meypepzat kamo an. Ta kalittan o onowned no tatasa jinyo a meyparai do to meyyonong a Tao do to ta a ji manganoyong.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Yota 1:14

Amyan rana so ciring na a pagazen na jira do ikapito da tapilan no sivosivovoong na ni Adam a meyngaran so Inok. Maniring am, “Cita kamo o Panirsirngen ta a yamapalolo so yameykalaklaksa a tinsi a yamai do karawan,

Ipaziman 14:1

Macita ko pa o Kagling a meytatanek do meyngaran so Sian a tokon. O macihza jya tao am yamyan so ikakapatan da ranaw so ikalima da zivo no ikadwa da latos (144,000) no tao. So ikamimin no zozogwan da adketan no ngaran no Kagling a kano ngaran na ni Ama na.

Ipaziman 21:10

So nitalamozongan na nyaken no Seyzi. Makarahan am yangay na yaken no tinsi do toktok no tokon a kapacita na nya jyaken so apo ji Ama ta do to a nimeygegcin do teyrahem a Yelosaleng.

Ipaziman 21:2

Makarahan am macita ko o ili na ni Ama ta do to. Ori rana am Vayo a Yelosaleng a apo ji Ama ta do to do teyngato a nipagcin na do teyrahem. So icyakma ney meyvinavinaywan a tey mazway a citahen a mavakes a omrapong so mangay na seksekan a tao.

Ipaziman 22:19

No amyan so tao a komteb do ciring a yadomket do vakong eya am ji na rana mya ni Ama ta do to a koman so asi no kayo a yanan no to meyyonong a ikavyay no pahad a yadomket do vakong eya. So icyakman na sang a ji na mya a somdep do ili na ni Ama ta do to.

Ipaziman 3:12

O jya nimablis so onowned a tao am akman sira so sominogat a ai no vahay a ralaralayan da ni Ama ta do to a vahay a kaji da na ngarwan do dang. Ta padketen ko do kataotao da o ngaran na ni Ama ta do to a kano ngaran no ili na ni Ama ta do to. Ori rana am apo ji Ama ta do to do teyngato a nipakas na a Vayo a Yelosaleng a kapadket ko so vayo a ngaran ko do kataotao da.

Ipaziman 7:2

Macita ko o asa ka tinsi apo do daddan no araw a meypinan so akmey ipadedket a yongkad ni Ama ta do to a amlolos a tomawag do nipanta na ni Ama ta do to so oyowyat a papat a ka tinsi a tey mowyat a to rana mapeykaraherahet so karawan a kano awa.