Sipolay 12:2 - Seysyo No Tao

² To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 12:2 Iomraidhean Croise

Matay 16:21

Nimacipinda no kanang o kato na rana mapazimakmakan so ciring na do macinanao jya a manci no kangay na do Yelosaleng. So ikaro na do dang no alalaw na itoro da jya no kamanrarakehan da no tao do Yotay a kano panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to a kawakwak da sya. Am ikatlo na araw am mirwa pa mavyay.

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Make 14:36

Maniring pa am, “Mo Ama, yabo mo jya peyvazay. So pakarwan mo so alalaw eya an. Am ji mo na mangozai o nakenakem ko. Ta ahahapan mo na sya.”

Make 15:28

[So na nipangononong rana no akman sang a ciring do Seysyo. Ta o domket dang am, “Nipazasing da do meyraraten a tao.”]

Make 16:19

Teyka na ni Yeso o aro a ciring a ipanci jira am meycyakavat rana mangay do teyngato a omlisna do wanan na ni Ama ta do to,

Make 9:12

Maniring si Yeso am, “Manoyong kapanmanma ni Idiya a mapeyyalalap so nakem no makaoya tao. Am ji da raralayan no tao. Am ikongo na idket do Seysyo no keyyan no rako a alalaw na no Nipamnekan na ni Ama ta do to a tao a kapeymakaro da jya no tao.

Make 9:24

Meyratateng am amlololos o ama na. Maniring am, “Ko anoyngan am yapa ji makanet o onowned ko. So sidongan mo pa jyaken.”

Locya 17:5

Maniring sira o nipamnekan na ni Yeso a omlivolivon no ciriciring na am, “Ipanta mo yamen so rako a onowned namen ji Ama ta do to an.”

Locya 23:11

Am ori rana o nipeyyaliliman da jya ni Helote a kano aro a itaysang do dang. So nipeymetdehan da sya, kapayob da jya so akmey ayob no panirsirngen, kangay da rana nya ji Pilato.

Locya 24:26

Manngwa, nyo jyatenngi o kangay no akman sang a alalaw no Misayya a kai na rana no azwazway na?”

Yowani 1:29

Ikadwa na araw am macita ni Yowani si Yeso a mai. Maniring si Yowani am, “Oya rana am akmey kagling a nitovoy na ni Ama ta do to a omahap so tao do peyraratenan da.

Yowani 12:24

To ko na macitangayan jinyo am no ji pamowa do tana o mowahen am jyablis ori a asaha. Am no si pamowahen do tana am amlida rana kapalasi na rana.

Yowani 12:32

No si padketen da rana yaken do jyojika keypirwa ko na a mavyay am panopen ko o aro a tao do karawan.”

Yowani 13:3

Katenngan na ni Yeso o kanitomoro na nya jya ni Ama ta do to so oyowyat na. Katenngan na o kanimapo na ji Ama ta do to. So ipakateneng na do kapeysinaoli na ji Ama ta do to.

Yowani 6:40

Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”

Yowani 8:56

Tod na ji nala o araraw no yai ko ni Apolahan a inapo nyo. Katenngan na o kai ko am masaray rana.”

Nimlivolivon 2:36

“Am ori an manga zipos a kakteh ko a Isedi a tao am naknakmen nyo an. Ta si Yeso a nyo nipadket do jyojika am yana rana nibnek ni Ama ta do to a Misayya a Panirsirngen ta.”

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

Nimlivolivon 5:31

So na rana iyan do wanan na ni Ama ta do to a Panirsirngen ta a yamapatazadang jyaten do teyngato. Na kakzeben yaten a Isedi a tao a mamlis so nakenakem, ta ori o ivonas na so raraten ta.

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

1 Kedinto 1:18

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

Ivoso 2:16

O nikawakwak na ni Kizisto do jyojika am balinasen na o kakma tey meykavosoyan. O jyojika na ni Yeso Kizisto o mapeyyanowanop jyaten, akmey asa ka tao so onowned a meyyangangay rana amraralay ni Ama ta do to.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Veydipi 1:6

Ko anoyngan o na kapeyvazay do onowned nyo ni Ama ta do to icyakma ney kanapnapan a ovid. Jyabo kakavos no nya vazay na jinyo a mangay no si komavos o akman sya no si ipirwa pa mai si Yeso Kizisto.

Veydipi 3:20

Am yaten rana am italamozong na yaten ni Ama ta do to. So pananalan ta si Yeso Kizisto a Panirsirngen ta a meygegcin a apo do teyngato. Ta iya o mapatazadang jyaten do teyngato.

2 Timotay 4:8

Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.

Sipolay 1:13

Ji na pa nipanci ni Ama ta do to do tinsi o, “Amlisna ka do wanan ko, mangay no si balinasen ko sira o macioya jimo a tao.”

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 10:14

Ipisa si Yeso a nimvoyog so rala a kavonas na rana no raraten da no omanoyong jya tao a mangay do kaidan no karawan.

Sipolay 10:33

Tomakatakaw o kapasnesnek da jinyo a peyrarehten do tangain no aro a tao. Tomakatakaw o kapazasing da jinyo do peyrarehten da tao.

Sipolay 11:36

Tatasa jira to myapya so kapeyzeyzozomyak da jira a bakbakan. So iyan no nivaod da kano nyaneban da.

Sipolay 12:3

Naknakmen nyo o mina vazay na to nomok so avavay da sya no meyraraten a tao. Ta ori o ji nyo a vokahawi no ingalaw da jinyo.

Sipolay 13:13

Am ori o karwan ta na do adan a raralayan da ni Ama ta do to no tao do Yotay a kapacizanod ta ji Yeso Kizisto do alalaw na.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Sipolay 7:19

Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.

Sipolay 8:1

O yamakdeng a yata malavat am yamyan so ney manhama na mapatanatanang nyaten so nakem ta si Ama ta do to. Iya rana am si Yeso a yamhezsad do wanan na ni Ama ta do to do teyngato.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

Yake 2:1

Manga kakteh, no kamo manoyong a yamraralay ni Yeso Kizisto a yatey mazway a Panirsirngen ta am taosya o kapeycyakaban nyo so tao.

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

1 Pite 3:22

Yana myan si Yeso Kizisto do teyngato a yamlisna do wanan ni Ama ta do to a yatomalamozong no tinsi. So ji da makapeysopoi do oyowyat ni Kizisto no makakaday do teyngato.

Yota 1:21

Ji nyo ngawawan do onowned nyo o pangangarilawan na ni Ama ta do to a meyhanhan ni Yeso Kizisto a Panirsirngen ta a marilaw ninyo a manta ninyo so to meyyonong a ikavyay no pahad nyo.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.

Ipaziman 1:8

Maniring si Ama ta do to a Panirsirngen ta am, “Yaken am Aarva kano Yamicya a nikapwan na kano pangavosan na no aro a vazay eya.” Ta si Ama ta do to rana am jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan.

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am: