Sipolay 12:1 - Seysyo No Tao

¹ So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Sipolay 12:1 Iomraidhean Croise

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

Matay 24:13

Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

Make 10:50

Am ori o mina to na walici no ayob na a katanek na a mangay do tangain ni Yeso.

Locya 12:15

Maniring jira am, “Azimanen nyo kaji nyo mangagoman so meykamadadayan an. Ta tana meynakem o tao ori am beken a ikapintek na do karawan ori.”

Locya 16:28

a kapamizing na pa so yalalima a kakteh ko, ta maraherahet o kai da pa macitovong jyaken a makaliliw so kataotao da.’

Locya 21:34

“Am ori o apzatan nyo do onowned nyo an. Ta ji kamo to ngyop so saki a maozoz no meykamadadayan a ikeykakza nyo. Ta ji nyo a tenngi o araraw na no ipeydedna na jinyo.

Yowani 3:32

Patwawen na o nimacita na kano nimamizing na. Am to da nazibwan no tao o nanao na.

Yowani 4:39

Aro do ili ang o niomanoyong rana ji Yeso. Ta maniring o mavakes do aro a tao am, “Na to mimina rana o mina vazay ko a yapatwawen.”

Yowani 4:44

Nipanci na rana ni Yeso no kakwa o kaji da panadnadan so panoyonoywan na so ciring ni Ama ta do to no macikeylyan jya.

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

Cyalatay 2:2

O yangay ko do Yelosaleng am onotan ko o ciring na ni Ama ta do to a manci nya do panipanirsirngen no kyokay so mina vazay ko no kapeylimwang ko no Mapasaray a Ciriciring na ni Ama ta do to do beken a tao do Yotay. Ta ji ko mamyapyan o kapanci da no vazay ko ji Ama ta do to no kakwa a kasicyakwaya abo so peypeypangayan.

Cyalatay 5:7

Kanyo tey yapya so ahahapan sya a yamnakenakem si Kizisto. Sino a yamazazat jinyo a yanyo kaji ngonotan do manoyong a nanao.

Ivoso 4:25

Am ori o ji nyo na mangononongi so malas. O manoyong a ciring o patwawen nyo do akma nyoy kakteh do cinai, ta tamo mamimin a akma ney peyvongvongwan no kataotao ni Kizisto.

Veydipi 1:30

akman so nimacita nyo rana do kataotao ko a kano nimamizing nyo. So yana to ngaii sicyaikwaya.

Veydipi 2:16

a kapakateneng da do ciriciring na ni Ama ta do to a manta nira so to meyyonong a ikavyay no pahad da. Ta no si akman kamo sang am amyan rana so kakownongan no zikzikna ko jinyo no si marateng o araraw no yai na ni Kizisto.

2 Timotay 2:4

O myan rana do itaysang am no kakzeben na o kaglaw na nya no mimong nya am ji na pazavoza o makakaday a vazay na, ta ikasanga na.

2 Timotay 4:7

O vazay ko rana ji Ama ta do to a na nitoro jyaken am ko na nimamimin a nipateyka nipeyvazay. Akman so malalayo a tao a omtad rana malayo. So ko rana nimiminan so manoyong a nanao a nyahap.

Sipolay 6:15

Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.

Yake 1:3

Ta no myan so alalaw nyo a kaji nyo rana ablisan so onowned ji Ama ta do to am ji nyo na nyaheyan o meyteytotoro a alalaw nyo. Ta mapeyneynara nyo na.

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

1 Pite 4:2

Pamindahen nyo rana sicyaikwaya o kaji nyo rana mangozayan do malas a monganay jinyo a onowned nyo. Ta o apyahen na ni Ama ta do to o ahapen nyo, do ipeyigegen nyo pa do karawan.

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

1 Pite 5:12

O teygami rana ya am si Sila akma tey kakteh do cinai o yanisomidong jyaken a yameyteygami ninyo. Ta ko katenngan o na katey makdeng so nakem ji Yeso Kizisto. Ko paiten inyo. Ko ipanci jinyo o manoyong a pangangasyan ni Ama ta do to. Ji kamo a haha so onowned an.

2 Pite 1:6

Apzatan nyo o onowned nyo do icyatatao nyo. Meypahagnat kamo so onowned a ji mapeyyan do onowned nyo so makakaday a alalaw. Ta ori o ikakdeng nyo rana so nakem a amraralay ni Ama ta do to.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 13:10

O ipanci a vaoden am mangay kavaod sira an. O ipanci a mahap so inawan no ipangan am mangay kangay no inawan da no ipangan. So ikamimin da no amraralay ni Ama ta do to a ji macizizikna do kapeyhanhan da nya.

Ipaziman 22:16

“Yaken rana am si Yeso ko. Nimanovoy ko so lamlamsoy ko a tinsi a meylimwang nya jinyo so vazay eya do peycyakyokyokayan na. Yaken rana am sivovoong na yaken ni Tawey. Yaken rana am akmey karow a mata no hanit.”

Ipaziman 3:10

Ta inyo rana am nyo pangononongan o ciring ko a yaji macizizikna jya. Am ori o apzatan ko jinyo no meydedna do karawan o alalaw a ileylamdam ko so tao do karawan.