Sipolay 11:32 - Seysyo No Tao

³² Yaro pa dang o ciring ko am ko na ji mancyan si Cityan a kani Pala kani Sansong a kani Yevota kani Tawey a kani Samoar a kano aro a panoyonoywan na so ciring ni Ama ta do to a tao.

Sipolay 11:32 Iomraidhean Croise

Matay 5:12

Somaray kamo an. Ta yamyan do teyngato o makdeng a azaw nyo a ipasaray na jinyo ni Ama ta do to. Nimakalapo no kakwa o kakman da sang no panoyonoywan na so ciring ni Ama ta do to a nipakakasi da no tao.

Locya 13:28

No si macita nyo si Apolahan a kani Isa kani Yakebo a kano aro a panoyonoywan na so ciring ni Ama ta do to a yamacikaop do italamozong ni Ama ta do to am inyo o tovoin da do pantaw a kapeylavilavi nyo a mapeygazicigit so ngepen nyo a maneneseh.

Locya 16:31

Maniring pa jya si Apolahan am, ‘Tana myan so meyvangon a tao a mangay jira a kaji da nganoyngan do ciring na ni Moyse a kano panoyonoywan na so ciring ni Ama ta do to am jyabo kapanganoyong da.’ ”

Yowani 21:25

Aro pa o mina vazay na ni Yeso. Am no ko naknakmen am no si mamimin a vatvatkan am ji rana makangay do karawan o karwaro no vakong.

Nimlivolivon 10:43

Si Yeso o pakacirngan da so ciring da no panoyonoywan na so ciring ni Ama ta do to no kakwa. Ipanci da o ka si Yeso no makavonas so raraten no omanoyong jya tao.”

Nimlivolivon 13:20

“Meyratateng am ipamnek na sira so mapalipalit a amyokod nira mangay no kapeypanirsirngen na ni Samoar. Iya rana am panoyonoywan na so ciring ni Ama ta do to.

Nimlivolivon 3:24

Maniring pa si Pite am, “Tana si Samoar a kano yamapalipalit a panoyonoywan na so ciring ni Ama ta do to am nimamimin da rana nipanci o akman sya vazay sicyaraw eya.

Loma 3:5

Ala yamyan so tao a manci no, “Apya o keyyan no raraten ta. Ta o raraten ta am ipakateneng da no tao ji Ama ta do to a ji meyraraten a kazwazway da sya. So ikalas na ni Ama ta do to a mapasingsingkad jyaten.”

Loma 4:1

Naknakmen ta pala si Apolahan a manoyong a ineynapo namen a tao do Yotay.

Loma 6:1

Manngwa, ji ta ngaroi o raraten ta a kato na ngarilawan nyaten ni Ama ta do to?

Loma 7:7

No akman sang am manngwa, ipanci ta o iwawalam na ni Moyse a yapwan no raraten? Jyabo kakman na sang a. Ta o iwawalam na ni Moyse am ipakateneng ta do raraten. No abo iwawalam a yamanci no kaji mangagoman am jyabo ko kapakateneng do karahet no mangagom a.

Yake 5:10

Naknakmen nyo sira o yamangozay do ngaran na ni Ama ta do to a yamnoyonoyo so ciring na tao an. Ta inarahen nyo sira a tongbo so alalaw da an.

2 Pite 1:21

Ta o ciring no panoyonoywan na so ciring ni Ama ta do to a tao am beken a monganay jira. Ta o oyowyat no Seyzi o nisomidong sira. So ikanoyong no ciring da apo ji Ama ta do to.

2 Pite 3:2

Inaoy si mamimin nyo peyyanen do onowned nyo o mina ciring da no panoyonoywan na so ciring ni Ama ta do to a kano mina ciring na ni Yeso a Panirsirngen ta a mapatazadang jyaten do teyngato a ninanao da jinyo no nipamnekan na a omlivolivon no ciriciring na.