Sipolay 11:3 - Seysyo No Tao

³ O ta ipakateneng do kaniomamamaog na ni Ama ta do to so karawan no ciring na am tana tamo jya nimacita am tamo na to nganoyngi o akman sang. So ikanoyong no yamacita eya nyamaog na ni Ama ta do to no ciring na.

Sipolay 11:3 Iomraidhean Croise

Yowani 1:3

Ciring o nyamaog na ni Ama ta do to so makakaday. So ikabo no asa ka maoran no karawan a ji na nyamaog no Ciring eya.

Nimlivolivon 14:15

“Ikongo nyo icyakman so sang so vazay jyamen. Namen akman jinyo saon a tao am. O namen nyai jya am namen ipeylimwang jinyo o Mapasaray a Ciriciring ni Yeso. Namen ikakza inyo a komaro do ji meyngongyod a iraralay nyo. Apyapya pa o kararalay nyo no manoyong a Tao do to. Iya rana am nimangamamaog so karawan a kano meycyamadadayan.

Nimlivolivon 17:24

Iya rana am nimangamamaog so hanit a kano teyrahem a kano meycyamadadayan. So ikanoyong na Panirsirngen do sinokob no hanit. Iya rana am yaji meyvahay do niparing no tao a panaralayan.

Loma 4:17

Ta maniring do Seysyo am, “Ko abneken imo a ama da no tao do peycyamahamahatawan na.” So ipangononong na no ciring ni Ama ta do to. Ta o na anoyngan ni Apolahan a Tao do to am yamapeyvangon so nimawakwak a tao a nimangamamaog so karawan.

1 Kedinto 2:7

O yako ipeylimwang eya am ji da pa nipatwaw no tao no kakwa a teneteneng na ni Ama ta do to. Ta no kaji na pa mamaogan no karawan am amyan rana ori a nakenakem na ni Ama ta do to do kapacikaop ta jya no makwa.

1 Timotay 4:5

Ta o ciriciring na ni Ama ta do to a kano inozi ta somaray nya jya am ori o ikabo na rana no marahet do kanekanen ta.

Sipolay 1:2

Am sicyaikwaya am o Anak na ni Ama ta do to o nimapatwaw so ciriciring na jyaten. Si Yeso o nimangamamaog so karawan no ciring na ni Ama ta do to. So nitorwan na ni Ama ta do to no makakaday do karawan eya a italamozong ni Yeso.

Sipolay 6:5

Sira rana am mapeyneynara da rana o katey yapya na no ciriciring na ni Ama ta do to. So da ipakateneng do mapeyzokab a oyowyat ni Ama ta do to.

2 Pite 3:5

To da nazibwan o kanimamaog na ni Ama ta do to so hanit a kano karawan no ciring na. O tana eya am nimeytotwaw apo do ranom a kapeypinpin na rana sya.

Ipaziman 4:11

“Panirsirngen namen, Tao do to namen, manoyong ka mahap so azwazway a kano keynakman a kano oyowyat. Imo nimangamamaog so makakaday. Mamimin a nakenakem mo o nikamaog no makakaday.”