Sipolay 11:25 - Seysyo No Tao

²⁵ Apyapyahen na pa o kapacitetngehan na no inawan na do italamozong na ni Ama ta do to a Isedi a tao a peyrarehten da, do kaji nakzan no kahap na so ji meyyonownay a sarasaray do vahay ni Valaw.

Sipolay 11:25 Iomraidhean Croise

Matay 13:21

Am ikongo do ji makayamot do onowned na, am no masazi na o alalaw na kano peyrarehtan da sya do kahap na so nanao ni Ama ta do to am makeykai a mablis o onowned na.

Locya 16:25

Am maniring si Apolahan am, ‘Manganako, mo pa manakem no kapeyigegen mo do karawan asyo an, a to meypanpan do kanekanen mo an. Am si Lasalo am abo ipangakaday na do araraw. Am sicyaikwaya am yamyan rana do jya yamacikasaray jyamen, a imo am ka amlavi so onowned.

Nimlivolivon 7:34

Ko nimacita rana sira o ko yaponged a tao a yamyan do Ayci. Ko nimamizing o da ipasyasi jyaken, do na katey yaro no alalaw da. Am ori o ko ipeygegcin a mapasaway sira do da peyrarehtan sira no tao do Ayci. Ko tovoin imo sicyaikwaya a yamangay omagag sira do Ayci.’

Loma 5:3

Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

Kelosi 1:24

Tana tey rako o alalaw ko sicyaikwaya am cyaha, ta o akman rana sang am ipakasidong ko jinyo a meypahagnat so nakenakem a omraralay ni Yeso. Am ori o ko isaray, ta ipakasidong ko so omraralay ni Yeso Kizisto a tao. Ta nimakman sang si Yeso Kizisto a nimawakwak no omraralay nya tao.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

Sipolay 10:32

Manakem nyo no kakwa. Tana aro o alalaw nyo no kavayo nyo pa a omanoyong ji Yeso am jyabo kanimaharag nyo no alalaw nyo a.

Sipolay 11:37

Amyan so tao a nibhebhesan da nimawakwak. Amyan so nigetget da nipeyketeb so kataotao. Amyan so nizakat da no ipangan. Amyan so meyyayob so kolit no kagling a vovwan da limanen a paksozen. So to da liliwi so kakcinan da kano peyrarehtan da sira pakakasin.

Sipolay 4:9

So na ikanoyong ni Ama ta do to a yanimangata so kasaraw a yana itaziman do yamonganay jya tao.

Yake 1:20

No meyoyaoya o tao am ji na rana tenngi a peyvazain o apya vazay a isaray na ni Ama ta do to.

Yake 5:5

Yateywara o yanyo sarayan no peymeymasaodan nyo do karawan. So yanyo icyakmey vinyay a tey matatava a yameypanam a da ipamaring so kanen.

1 Pite 2:10

No kakwa am beken a italamozong na inyo ni Ama ta do to. Am sicyaikwaya am na rana italamozong inyo. No kakwa am ji nyo a tenngi o pangangasyan ni Ama ta do to. Am sicyaikwaya am nyo na nimahap o pangangasyan na.

Ipaziman 18:7

O nakenakem na meyhahama no kabsoy na kano kazwayan na am meyvoga rana o kakdekdeng no ipasingkad na jya. So ikabo no kavyavyayan na a meyrarahet. Ta o aktokto na so kataotao na am, ‘Amlisna ko do lilisnan no panirsirngen. Beken a vao ko. So ikabo no alalaw ko.’