Sipolay 11:19 - Seysyo No Tao

¹⁹ Nipeyhanhan na ni Apolahan si Ama ta do to a mapaoli sya avyain si Isa. Am ori o ta pancyan ni Apolahan a nimahap si Isa do apwa kawakwakan na.

Sipolay 11:19 Iomraidhean Croise

Matay 12:36

To ko na macitangayan jinyo am no marateng o araraw no peykapyapinpinan na ni Ama ta do to so tao am abo rana o taywen da ciring da.

Matay 9:28

Somdep si Yeso do asa ka vahay a kai da no rarwa ka mavota tao do tangain na. Maniring jira si Yeso am, “Nyo anoyngan yaken a makeywakwak jinyo an?” Maniring sira am, “Mo Panirsirngen, namen anoyngan.”

Loma 5:14

Am no kabo pa no iwawalam na ni Moyse am amyan rana so tao a mawakwak. Tana ji sira akman si Adam a ji niomamizing si Ama ta do to am akman sira si Adam a mawakwak, ta amyan so raraten da. Si Adam am pehngehngain ji Yeso Kizisto. Am meytarek o pamoonen da do tao.

Ivoso 3:20

Oyowyat na ni Ama ta do to am ori o yameyvazay do onowned ta a omoyat jyaten a meyhanhan nya. Ori o yata ipakahap so yamapeyzokab a ji tangtoktwan a vazay.

Sipolay 9:24

Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

Sipolay 9:9

O peypeypangayan no yanimalavat ta makakaday a vazay ori am ipakateneng ta do kaji na makanetan no patanangen da kagling a kano baka ji Ama ta do to a ivonas so raraten no tao.