Sipolay 11:17 - Seysyo No Tao

¹⁷ No keyleylamdam na si Apolahan ni Ama ta do to a tomoro no anak na a meyngaran so Isa a wakwaken a patanangen ji Ama ta do to am ji na nikamama, do kapeyhanhan na nya. Ta ipeyhanhan na si Ama ta do to a manta nya so aro a sivosivovoong na.

Sipolay 11:17 Iomraidhean Croise

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

2 Kedinto 8:12

No si manoyong kamo so onowned no meykingking kamo am jyabo kaji na narayan ninyo ni Ama ta do to a. Ta o kakzeben na jinyo ni Ama ta do to am beken a karo na, ta o myamyan jinyo.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 7:6

Am tana ji macitetngehan si Mocisete ji Diwey am macivonong do ineynahap ni Apolahan so asa vovonongan a kapanlanlag na ni Mocisete si Apolahan a omamoon so mina ciring na jya ni Ama ta do to.

Yake 5:11

Tamo ipanci sira tey masaray a tao an, do da kajya haywan no yamyan so alalaw da an. Nimamizing nyo rana si Yepo a jya nimablis so onowned no keyyan no alalaw na. So nyo ipakateneng do kato na ngavosan no alalaw na nisidong na ni Ama ta do to. Ta si Ama ta do to rana am tey rako o pangangarilawan na kano pangangasyan na.

1 Pite 4:12

Manga keypong, ji nyo ngyakan o keyyan no makdeng a alalaw nyo a ileylamdam na jinyo ni Ama ta do to. Ta kangay na ori no alalaw ta amraralay ni Ama ta do to a tao.

Ipaziman 3:10

Ta inyo rana am nyo pangononongan o ciring ko a yaji macizizikna jya. Am ori o apzatan ko jinyo no meydedna do karawan o alalaw a ileylamdam ko so tao do karawan.