Sipolay 11:13 - Seysyo No Tao

¹³ Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 11:13 Iomraidhean Croise

Matay 13:17

To ko na macitangayan jinyo am aro o panoyonoywan na so ciring ni Ama ta do to a kano omraralay ni Ama ta do to no kakwa a makza no kapakacita da so nyo macita kano kapakamizing da so nyo mamizing. Am da jya nimacita. Da jya nimamizing.

Yowani 12:41

O peycirngan na sya ni Isayya am nipacita na ni Ama ta do to o azwazway ni Yeso jya. Am ori o peycirngan na sya jya.

Yowani 8:56

Tod na ji nala o araraw no yai ko ni Apolahan a inapo nyo. Katenngan na o kai ko am masaray rana.”

Loma 4:21

Anoyngan na si Ama ta do to a mangononong do mina ciring na jya.

Loma 8:24

O na patazadangan jyaten ni Ama ta do to am ta toda ji ngamoga a yamahap o yana itoro ni Ama ta do to. Am no to na cita o akman sang am ji mancyan ori a yatoda ji ngamoga a mahap a itoro na ni Ama ta do to.

2 Kedinto 4:18

Namen jyakzan o macimalag do mata namen a monganay do karawan. Ta namen ikeykakza o yajyacita no mata. Ta ori rana am ji meyyonownay ori. Am o yajyacita no mata am to meyyonong ori.

2 Kedinto 5:6

Am ori an, yaten rana a meyhanhan ni Yeso Kizisto a tao am ji tamo a ratan no onowned no amyan so alalaw ta an. Ta tamo katenngan no mavyay pa o kataotao ta am marai pa o kapacikaop ta ji Yeso do teyngato.

Ivoso 2:19

Am ori an, ikabeken nyo rana kadwan a beken a tao do Yotay an. Ta tamo na mamimin a akma ney anak ni Ama ta do to a yakmey yasa ka vahay.

Sipolay 11:14

O mapeyciring so sang a tao am manoyong sira meykala no kataotao da so vahay da do teyngato.

Sipolay 11:17

No keyleylamdam na si Apolahan ni Ama ta do to a tomoro no anak na a meyngaran so Isa a wakwaken a patanangen ji Ama ta do to am ji na nikamama, do kapeyhanhan na nya. Ta ipeyhanhan na si Ama ta do to a manta nya so aro a sivosivovoong na.

Sipolay 11:27

Ji na nyaheyan o kapeyoyaoya na ni Valaw. So nikaro na do Ayci. Ta akma ney todacita no mata si Ama ta do to a yamacitovong jya. Am ori o ji na rana kei a meysinaoli, do kapeyhanhan na ni Ama ta do to.

Sipolay 11:39

Sira rana ori am admain na sira ni Ama ta do to o makdeng so nakem a tao. Am abo nimahap da mina ciring na sira ni Ama ta do to no kavyay da pa.

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

1 Pite 1:17

No kamo meynozi am nyo abneken si Ama ta do to a Ama nyo. Iya rana am ji mapeycyakaban a yamanita so mina vazay no tao. Am ori o panadnadan nyo sya an, do iyan nyo pa do karawan.

1 Pite 2:11

O ko ipanci pa jinyo manga keypong am tamo akmey miseysan do karawan. Ji nyo to ngonongonongi o nakenakem nyo. Ta o marahet a onowned ta am ipeyparai ta ji Ama ta do to.

1 Yowani 3:19

O ikanoyong ta makateneng do kahap ta so manoyong a nanao ni Ama ta do to am amyan jyaten o pangangarilawan na ni Ama ta do to. Am ori o ji ta nyahei do tangain ni Ama ta do to