Sipolay 10:39 - Seysyo No Tao

³⁹ Jyabo kapya ta so kapeydedna na jyaten no peyoyaoyyan na ni Ama ta do to, do kalikod ta jya. Ta yaten rana am ta anoyngan o kapatazadang na jyaten ni Ama ta do to do teyngato.

Sipolay 10:39 Iomraidhean Croise

Make 16:16

O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan.

Locya 11:26

So nyangay na manara so papito a masozisozi pa ka nya a kalamsoyan ni Satan a mangay komovot jya. Manngo tao ori a. Jyabo kaji na rehrehtan pa sicyaikwaya no nakenakem na kano kakwa.”

Yowani 17:12

No kapacikaop ko pa jira am nipzatan ko sira no oyowyat mo a nitoro mo jyaken. So ikabo no asa ka tao jira nimavozaw, do kapzat ko jira. Am o manazang nyaken a tao am nidomket rana do Seysyo o kapeyparaherahet na.

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Yowani 5:24

To ko na macitangayan jinyo am omamizing so ciring ko a tao a omanoyong do yanitomovoy jyaken am mahap na o to meyyonong a ikavyay no pahad na. So ikanoyong na ji na meydednai no peyoyaoyyan na ni Ama ta do to. Ta nimaliklik na rana o apwa kawakwakan no pahad na.

Yowani 6:40

Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”

1 Tesalonicya 5:9

Ta o na nipamnekan jyaten ni Ama ta do to am beken a mangay na ioya nyaten. Ta ahapen na yaten do kapyapyan. Ori o mina vazay na no Anak na si Yeso Kizisto a Panirsirngen ta.

2 Tesalonicya 2:3

ji nyo to nganoyngi o ciring da an. Ta no omanam rana o araraw am manoyong o kapacioya da ji Ama ta do to no aro a tao a macyanod so nakenakem do irako na so raraten a italamozong na ni Satan a tao a yamapalolo sira a mangay do kararatan, mangay o kangay na do makotokotod a lila no apoy.

1 Timotay 6:9

O komakzeb so karo no nizpi da am makeykai sira kalittan, ta masanga sira no abo so angangayan a vazay a maozoz so nakenakem. O kapalit no akman sang am mangay sira do makotokotod a lila no apoy a mangay no makwa.

Sipolay 10:26

No katenngan ta na o nanao ni Ama ta do to a kapeyngongyod ta meyparai ji Ama ta do to a ji rana meysinaoli so onowned am abo rana o patanangen ta makavonas so akman sang a raraten.

Sipolay 10:38

O tao rana a omonot do nakenakem ko am mahap da o to meyyonong a ikavyay no pahad da do kanoyong da jyaken. Am o omlikod jyaken a tao am ji ko nakzan o akman sang.’ ”

Sipolay 11:1

O ipanganoyong rana ya am ipeyhanhan o vazay a ipeynanakem. O peypeypangayan no nang am anoyngan o kanoyong na myan no ji pa nimacita.

1 Pite 1:5

Ori rana am itoro na ni Ama ta do to do meyhanhan nya tao, do kapzat na jira ni Ama ta do to no oyowyat na a kaji da na vozawan a mangay do ikarateng no araraw no ipatazadang na sira do teyngato.

2 Pite 3:7

Am sicyaikwaya am yajyablis o hanit a kano teyrahem, do yana kahad sya no ciring na ni Ama ta do to, mangay do itemtem na so hanit a kano karawan a kano ji manganoyong a tao, no marateng rana o araraw no ipeykapyapinpin na so tao ni Ama ta do to.

1 Yowani 5:16

No makacita kamo so akma nyoy kakteh do cinai a meyraraten am ipeynozi nyo ji Ama ta do to a kavonas na jya kapanta na nya so to meyyonong a ikavyay no pahad na. Am o omalalas do Seyzi am ji ko na mancyan o kapeynozi nyo nya. Ta manoyong o akman sang a peydednan no peyoyaoyyan na ni Ama ta do to.

1 Yowani 5:5

Sino sira o makaharag so marahet a vazay do karawan. Omanoyong ji Yeso Kizisto a Anak ni Ama ta do to a tao am ori saon o makaharag sya.

Ipaziman 17:11

O nimavyay no kakwa yarana maliman sicyaikwaya am iya o ikawao a panirsirngen. Am karwan da ori no papito a ka panirsirngen a meypangay do kararatan a ipasingkad na sya ni Ama ta do to.

Ipaziman 17:8

O nimacita mo a omalalam am nimavyay pa no kakwa am yarana maliman sicyaikwaya. So ikakeykai na rana mai a apo do abo so takadan a gazawagaw a jyatenngi so karaherahem a meypangay do kararatan a ipasingkad na sya ni Ama ta do to. O tao do teyrahem a jidket so ngaran do vakong a yanan na rana no to meyyonong a ikavyay no pahad da no kaji na pa amaogan no karawan am mamimin sira malak no omalalam a nimavyay pa no kakwa yarana maliman sicyaikwaya. So ikanoyong da malak nya no meytotwaw no makwa.