Sipolay 10:36 - Seysyo No Tao

³⁶ Ji kamo macimazikna do vazay na ni Ama ta do to. Ta ori o ipakahap nyo so mina ciring na jinyo ni Ama ta do to no makwa.

Sipolay 10:36 Iomraidhean Croise

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

Matay 12:50

Ta o mahap so vazay ni Ama do to a tao am ori o abneken ko a kakakteh ko a kano ina ko.”

Matay 21:31

Manngwa, sino jira ang o nimahap so ciring no ama da.” Maniring sira am, “O rakerakeh ang.” Maniring si Yeso am, “To ko na macitangayan jinyo am manmanma pa sira ka ninyo o mapeyvazay so deyking a tao a kano somagpyan a mavakes a macikaop do italamozong ni Ama ta do to.

Matay 24:13

Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

Matay 7:21

“O tomawag jyaken a tao a manci no, ‘Mo Panirsirngen, mo Panirsirngen,’ am jyamimin sira macikaop do italamozong ni Ama ta do to. Ta o mahap so nanao ni Ama ta do to o macikaop jya.

Make 3:35

Ta o mahap so vazay ni Ama ta do to a tao am abneken ko a kakteh ko a ina ko.”

Locya 21:19

Ipakowyowyat nyo pa a meyhanhan nyaken. Ta ori o ipakahap nyo so to meyyonong a ikavyay no pahad nyo.

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

Yowani 7:17

No manoyong o tao a mangononong do apyahen ni Ama ta do to am katenngan na o ka yaken na, ka si Ama ta do to no nanao.

Nimlivolivon 13:22

Pakarwen na ni Ama ta do to si Sawlo am pamnekan na si Tawey a panirsirngen da. Maniring si Ama ta do to am, ‘Yako ikaglaw si Tawey anak ni Yesi, ta na miminen o vazay ko ahapen.’

Nimlivolivon 13:36

No kapeyigegen na pa ni Tawey am aro mina vazay na ji Ama ta do to. Mawakwak am patangkeden da o heseb na do heseb da no ineynapo na. So nipacirapa no kataotao na do tana.

Loma 12:12

Masaray kamo a omnanala so na itoro jinyo ni Ama ta do to. Tana amyan so alalaw nyo am ji kamo ahayo a meynozi ji Ama ta do to.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

Loma 8:25

Am no ipeyhanhan ta o yaji macimatai am manoyong kaji ta maciziziknan a omnanala sya.

1 Kedinto 13:7

O mangarilaw so icyatatao na am to na peyyopowpasa o iraherahet da sya no icyatatao na. Anoyngan na o keyyan no kasaraw a ipamlis da. To peycyabobwa o makakaday a oyaoyyan da no kataotao.

Cyalatay 6:9

Am ori o ji ta macimaziknai a mapeyvazay so apya vazay. Ta no si to ta ngotokot a mahap so akman sang a vazay am no marateng o araraw no makwa am amyan so nakem na jyaten ni Ama ta do to.

Ivoso 6:6

Beken a no mangay da citahen inyo no lawpan o ikakdeng nyo a mahap so vazay da. Ta omaing do kararalay nyo ni Ama ta do to o kasaray nyo a mahap so vazay da, do kakma nyoy kalamsoyan ni Kizisto.

Kelosi 1:11

Ta iya rana am tey mowyat. So namen peyhanhanan nya a makasidong jinyo a jyamama no makakaday a alalaw a masaray rana so onowned.

Kelosi 3:24

Manakem nyo o keyyan no nakem na jinyo ni Kizisto, do kanoyong nyo a makahap rana so nakem na so omanop jya tao. So ikanoyong ni Kizisto a ahapen nyo so vazay.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

Sipolay 11:39

Sira rana ori am admain na sira ni Ama ta do to o makdeng so nakem a tao. Am abo nimahap da mina ciring na sira ni Ama ta do to no kavyay da pa.

Sipolay 12:1

So yada ikatey yaro no tao a ta rana nimacita so kakdekdeng a meyhanhan ni Ama ta do to no kakwa. Am ori an o akasan ta na so makakaday a ikasengseng jyaten a kano raraten ta yakmey omvaod jyaten a kowyat ta so onowned a akman so malayo a ji macimaza do palaywan na angayan.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

Sipolay 6:15

Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.

Sipolay 6:17

Mina to na rana mancyan ni Ama ta do to o kaji na ablisan no nakenakem na sira so tao a omamoon so mina ciring na jira. Am ori o nyaitan na do ciring na ni Ama ta do to akma ney yongkad. O nipasongsong na ciring am ngaran na ni Ama ta do to,

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

1 Pite 1:9

Ta nyo na nimahap o patazadangan na jinyo ni Ama ta do to. Ori rana am kakownongan na ori no nakem nyo ji Ama ta do to.

1 Yowani 2:17

O karawan eya kano pangangagoman no tao am ji meyyonownay ori. Am o mapeyvazay so vazay ni Ama ta do to am amyan rana jya o to meyyonong a ikavyay no pahad na do teyngato.

Ipaziman 13:10

O ipanci a vaoden am mangay kavaod sira an. O ipanci a mahap so inawan no ipangan am mangay kangay no inawan da no ipangan. So ikamimin da no amraralay ni Ama ta do to a ji macizizikna do kapeyhanhan da nya.

Ipaziman 14:12

Inyo rana a omonot do ciriciring na ni Ama ta do to a ji na lilis so nakem ji Yeso a tao am makowyowyat kamo pa omraralay nya.