Sipolay 10:29 - Seysyo No Tao

²⁹ O to ngolala so Anak na ni Ama ta do to a kano rala na a makavonas so raraten na, kato na nazibo no yamanta no tao so pangangasyan a Seyzi am o akman rana sang a tao am makongo so wanjin. Naknakmen nyo pala. Jyabo kaji nakdengan no ipasingsingkad na sya ni Ama ta do to a.

Sipolay 10:29 Iomraidhean Croise

Matay 26:28

Oya rana am rala ko a nimvoyog a omaing do aro a tao a omvonas so raraten da. O rala ko rana ya am yongkad nyo do vayo a pangozayan nyo a ciring na ni Ama ta do to.

Matay 7:6

“Ji norwan do ino o apya kanekanen, ta olin na imo a songiten. Jya to norwan do kois o vowawan, ta ingbeywan a saganeyan na.

Make 7:2

Macita da o macinanao ji Yeso a todangan a ji nimavanaw a ji nginara so tao a macyagom do Vadisay a mavanaw.

Locya 12:10

Omraherahet jyaken no ciring a Nipamnekan na ni Ama ta do to am mavonas pa ori. Am o omraherahet sya no ciring so Seyzi am to rana meyyonong a jyavonas o akman sang a raraten.

Yowani 10:36

Am yaken rana am na nitovoy yaken ni Ama do teyrahem. Ko ipanci pa am Anak na yaken ni Ama ta do to. Ikongo nyo pancyan nyaken a yajyaninig ni Ama ta do to.

Yowani 17:19

Ko itoro jimo o kataotao ko. So icyakman da sang a tomoro no kataotao da jimo a mahap so vazay mo.

Nimlivolivon 7:51

Maniring pa si Setiven am, “Inyo rana ji mangap so ciring a tao am kamo meyyangay a kano ji manaralay a tao a ji ngahap so ciriciring ni Ama ta do to. Ta nyo to nginara sira o ineynapo nyo a ji ngahap so Seyzi.

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

1 Kedinto 11:27

Am ori an, no myan so tao a koman so pang a keyyop na so amyan do ayoyopan a ji nakenakem so peypeypangayan na am manoyong kapeyraratenen na so sang a mapasala do kataotao na kano rala na ni Yeso.

1 Kedinto 11:29

No kanen na o pang a keyyop na so yamyan do ayoyopan a kaji na makatenngan do peypeypangayan na am mangay jya o peyoyaoyyan na ni Ama ta do to.

1 Kedinto 15:25

Tana abo pa o akman sang a vazay am jyablis si Yeso Kizisto a Panirsirngen do yanam na pa ni Ama ta do to ambalinas so kavosoyan na.

1 Kedinto 15:27

Ta maniring do Seysyo am, “Nipamnekan na ni Ama ta do to a meymatmatngeh no karawan.” O karawan a na malavat do jya am ji macyangay dang si Ama ta do to. Ta iya o nitomoro nya ji Kizisto so oyowyat na a tomalamozong no karawan.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

Ivoso 4:30

Ji nyo alavat o ikeyngen na no onowned no Seyzi na ni Ama ta do to a vazay. Ta o Seyzi am yongkad na jinyo ni Ama ta do to, do kavyay na jinyo no makwa.

Ivoso 5:26

O na peyvazayan jyaten ni Kizisto am na toda ji ngamoga jyaten a yaponged na ni Ama ta do to. Nivonas na o raraten ta a kayavayo na so onowned ta, do yata kahap so ciriciring na.

Sipolay 10:10

Na nipangononongan ni Yeso o nakenakem ni Ama ta do to a yamahap so vazay na a yamapasansan so kataotao na do jyojika. Am yaipisaha na kato miminan so raraten ta yanivonas.

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Sipolay 13:20

Si Ama ta do to rana a yamanta nyaten so ikapiya no onowned ta am nipeyvangon na si Yeso a Panirsirngen ta do heseb na. Na rana nipangononongan ni Ama ta do to no rala ni Yeso o to meyyonong a pangozayan a ciring na. So na ikanoyong a tomalamozong nyaten aro a tao.

Sipolay 2:11

Na nivonas o raraten no tao do karawan. So yada rana ipacingay ji Kizisto a mapeyyama si Ama ta do to no yarana nimavonas so raraten a tao. Am ori o na rana ji macimasneki nira ni Yeso a akma ney kakteh do cinai.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 6:4

Ta o yamlikod do nanao ni Ama ta do to a tao am makongo sira ori a mamlis, do katenngan da rana si Ama ta do to, a nimakahap rana so karilawan na nira ni Ama ta do to, a yanan rana no Seyzi.

Sipolay 6:6

Sira rana ya a to ngaro do manoyong a nanao ni Ama ta do to am abo rana o tao a makapeysinaoli so nakenakem da. Ta sira rana am akmey to da oliya o Anak ni Ama ta do to a padketen do jyojika a peyleylaken do tangain no tao.

Sipolay 9:13

No si saboin o tao no nikataheman no nitemtem a avo no baka ranom a kapasaboy da jira so rala no kagling a kano baka do ipanci da akmey makanyaw do iwawalam da am todavoga rana sira.

Sipolay 9:20

Maniring am, “O rala rana ya am yongkad na ni Ama ta do to a manci ninyo a omahap so pangozayan a ciring na.”

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.