Sipolay 10:27 - Seysyo No Tao

²⁷ Sira rana to nazibo ni Ama ta do to a tao am kapananala da rana so peyoyaoyyan na ni Ama ta do to do makotokotod a lila no apoy a ombalinas sira.

Sipolay 10:27 Iomraidhean Croise

Matay 13:42

a kapasleb ko sira do apoy a kapeylavilavi da a mapeygazicigit so ngepen da a maneneseh.

Matay 13:50

a kawalit da no meyraraten a tao do apoy a kapeylavilavi da do dang a meygazicigit so ngepen a maneneseh.”

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 3:10

Yana mazomtad o zaig do atngeh no kayo. O ji malasi a kayo am miminen na atbahen a kapasleb na sya do apoy.

Matay 3:12

Yamyan do lima na so ipaninigi. So cigyan na so kadai a kapangay na so pipya kadai do peyvokavokan, kasleb na so ata na do jyahesep a lila no apoy.”

Matay 8:29

Macita da si Yeso am amlololos sira. Maniring sira am, “Imo rana Anak no Tao do to am ikongo mo gogadan nyamen. Ori o mo nikasabsab a mai am mo pasingsingtan yamen?”

Locya 16:24

Meyratateng am tawagan na. Maniring am, ‘Mo Apolahan, kasyasi mo pa yaken an. Tovoin mo pa si Lasalo a mapaiteng so likta ranom a itneb ko so tetehnan ko, ta ko tey rahet so kataotao do apoy eya.’

Locya 19:27

Omrahet jyaken a panirsirngen da am yai nyo sira kawakwak nyo sira do tangain ko.’ ”

Locya 21:26

Am ori o nikahamang da manyahey amnanala so akman sang a meydedna jira alalaw. Ta meygonagonay o masamasaod no hanit.

Locya 23:30

No marateng ori am amyan so tao a manci nya do rako a tokon so: ‘Kazday jyamen,’ a kapanci da nya do likta tokon so: ‘Bonbonyey yamen.’

Yowani 5:29

a kapeyvangon da do heseb da. O apya so mina vazay no kamavyay da pa am mavyay sira a kapacitovong da rana ji Ama ta do to do teyngato. O nimeyraraten no kamavyay da pa am peyvangonen ko sira kapanci ko no raraten da.

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.

Sipolay 12:29

So ikakdekdeng ta pa so onowned a mahap so vazay na. Ta o peyoyaoyyan na ni Ama ta do to am akmey lila no apoy a manemtem so meyraraten a tao.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 9:27

Mamimin o tao a ipisa mawakwak. Am no mawakwak o tao am pacicin na ni Ama ta do to.

Yake 5:3

Mangay karaci no nizpi nyo. O raci no nizpi nyo am yongkad no kababayo nyo. So icyakma ney apoy no nizpi nyo a ombalinas jinyo. Ikeykongo kamo a yato ngimong no kangangay nyo, do yana ikakeykai rana no araraw no peyoyaoyyan na ni Ama ta do to.

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.