Sipolay 10:25 - Seysyo No Tao

²⁵ Ji ta nginara sira o yatatasa ka tao a yato nazibo no da kararalay ni Ama ta do to do kalwalovotan no tao. So ipasipapait ta, ta tamo na katenngan o na kasngen rana no araraw na no na yai ni Yeso. So ikakdekdeng tamo pa a mapait so kadwan jyaten.

Sipolay 10:25 Iomraidhean Croise

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Matay 18:20

Tana teyrararwa, teytatatlo o mapasyasi jyaken am macilovot ko jira.”

Yowani 12:48

O tomaosya jyaken a ji ngahap so nanao ko am pangozayan ko o ciring ko a manci no keyyan no raraten na no masasnad rana o araraw no kapeykapyapinpin na so tao ni Ama ta do to.

Nimlivolivon 16:16

Ipisa am mangay namen do ayo a meynozi am amyan so nimasinmo namen do rarahan a mavakes a lamlamsoy da. Mahaw na o vazay no makwa, ta nikovotan no kalamsoyan ni Satan. So ikaro no mahap na nizpi a itoro do mapeylamlamsoy sya a tao.

Nimlivolivon 2:1

Marateng rana o araw no Osinci am meylovolovot sira o amraralay ni Yeso do asa ka vahay.

Nimlivolivon 2:42

So nikowyat da macinanao do nipamnekan ni Yeso a omlivolivon no ciriciring na kalwalovot da rana meynozi a kakan da so pang a makanakem si Yeso a nimawakwak.

Nimlivolivon 20:7

Makoyab do niciyo am malovot namen a kano akma nameney kakteh do cinai a mahahanghang a makanakem si Yeso a nimawakwak no raraten ta. So todavaki jya do ahep ni Pawlo a mangnanao, ta imong na o kangay na rana do ikadwa na araw.

Loma 12:8

No manvavaga o nitoro na jyaten am vavagan ta o icyatatao ta an. No mazonos o nitoro na jyaten am ji ta mangbeywan do icyatatao ta an. O meypanirsirngen am ji maciziziknai o vazay an. No mangarilaw so tao am masaray onowned.

1 Kedinto 11:20

No kanyo malwalovot a omapapaw si Kizisto am macitarek o yanyo naknakmen.

1 Kedinto 14:23

No malwalovot kamo do kyokay a meynozi a kamimin nyo meyzezyak so matarek a ciring am no somdep sira o ji manaralay a tao am jyabo kaji da mancyan ninyo a zomyak a.

1 Kedinto 14:3

Am o mangononong so ciriciring na ni Ama ta do to am tao o nanawen na. Ta isidong na sira, ipait na sira, ipasaray na so onowned da no amyan so alalaw da.

1 Kedinto 3:13

Am o mina vazay ta am macita ta rana no makwa o kehni na a kaji nehniyan. Ta no marateng rana o araraw na no yai ni Yeso am patwawen na rana. Ori o ipakateneng rana jya. Ta no makwa am askadan na rana ni Yeso o mina vazay ta.

Veydipi 4:5

Manakem nyo o kapangarilaw nyo so tao an. Ta yana makeykai si Yeso a yamai.

1 Tesalonicya 4:18

Ahapen nyo o ciriciring eya a ipait nyo so onowned no kadwan jinyo a ipasaray nyo sira.

1 Tesalonicya 5:11

Am ori o ipasipapait nyo a mapamizing so kadwan jinyo, akman so yapiya nyo ahahapan sya sicyaikwaya.

Sipolay 10:24

Manakem ta o kapait ta so nakenakem do kadwan jyaten. Manakem ta o kasidong ta so kadwan jyaten a mapatwaw so pangangarilawan na ni Ama ta do to.

Sipolay 10:37

Ta o ciring do Seysyo am, “Maniring si Ama ta do to am, ‘Makeykai rana a kapakaranes na rana no pananalahen nyo a mai. So ji na mapainini jya.

Sipolay 13:22

Manga kakteh, ko inyo vavagan am pakamyamizngen nyo o ciring ko an. So na jyanaroi no ciring ko do teygami.

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

Yake 5:8

Akman sang an, to kamo ngotokot so nakem a mapananala so araraw na no yai na ni Yeso Kizisto. Ta yarana makeykai o araraw no na yai.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

2 Pite 3:11

No si manoyong o kakman na sang a mabalinas no makakaday am makongo kamo so wanjin a tao. Am ori an, kakzan nyo no ji meylimoteng so onowned a tao a omraralay ni Ama ta do to,

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

2 Pite 3:9

O nakenakem ni Ama ta do to a kano tao am ji meyyangay. Ta si Ama ta do to am ji mapainin do mina ciring na. Ta tana inyo am akman sang a na jyahaywan a pananalahen a yamamlis. Ta ji na mamyapyan o asa ka tao do karawan a mangay do kararatan. Ta ikakza na o kamimin no tao a mamlis a komaro do raraten da.

Yota 1:19

So to na meyyangai ya kano mina ciring da jinyo. O akman rana sang a mapeyzavozavoz jinyo a tao am abo jira o Seyzi na ni Ama ta do to. Ta kapangozay da do onowned da a omnakenakem so kapeyvwak da so tao.