Sipolay 10:24 - Seysyo No Tao

²⁴ Manakem ta o kapait ta so nakenakem do kadwan jyaten. Manakem ta o kasidong ta so kadwan jyaten a mapatwaw so pangangarilawan na ni Ama ta do to.

Sipolay 10:24 Iomraidhean Croise

Nimlivolivon 11:29

Am ori o nikamimin da no amraralay ni Yeso a tao a mapeysinsinmo so nizpi a itoro da do akma dey kakteh do cinai a meyvahay do Yotay. To da palololwa do karwaro no nizpi da o panaoben da.

Loma 11:4

Tovisan na ni Ama ta do to am, “Yapito a ranaw (7000) pa sira o yako nivezed a omanoyong jyaken. Sira rana am ji sira pa nimanaralay so malas a iraralay da a ngaranan da Paar.”

Loma 12:15

Macikasaray kamo do somaray a tao. Macikalavi kamo do amlavi a tao.

1 Kedinto 10:33

Inarahen nyo o mina vazay ko a mapasaray so aro a tao a ji mangozay do apyahen ko no nakem. Ta panadnaden o icyatatao. Ta ori o ikablis da no onowned da ipakahap da so to meyyonong a ikavyay no pahad da.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

2 Kedinto 8:8

Am beken a ko gacigatan inyo a mapeyvazay sya. Ta ko ipaziman jinyo o kakdekdeng da no sinjya do Maciton a somkad do kanoyong na kalas na no pangangarilawan nyo so icyatatao nyo.

2 Kedinto 9:2

Am cyaha, ta ko katenngan o na kajya salitan jinyo. Ta nyazwazway ko inyo do tao do Maciton, do kanimapapo nyo sya no kaminasawan so kasidong nyo sira. So da peyzokaban inyo a tao do Sila a yatey makdeng a yamanidong so tao.

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Cyalatay 6:1

Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Tesalonicya 5:11

Am ori o ipasipapait nyo a mapamizing so kadwan jinyo, akman so yapiya nyo ahahapan sya sicyaikwaya.

2 Tesalonicya 3:9

O ikakman namen sang am beken a ikamo namen inyo a mapatodeh jyamen, am kapakanakem namen so kapeycitacita nyo jyamen a inarahen.

1 Timotay 6:18

So pancyan mo nira mapeyvazay so apya vazay, kazonos da a manidong so icyatatao da.

Tito 2:4

Nanawen da sira o malalavayo a mavavakes a marilaw no kahanghangan da kano ananak da.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

Sipolay 13:1

Mangday kamo do araraw a masicyakarilaw a akman so meyketeketeh do cinai.

Sipolay 13:3

Manakem nyo sira o yamyan do pamemtengan a tao. Ta akma kamoy to macizanod jira aptengen da. Manakem nyo sira o peyrarehten da a tao. Ta akma kamoy to macizanod jira a peyrarehten da.

Sipolay 3:13

Mangday kamo do araraw a amvavaga do kadwan jinyo do yanyo ikavyay pa ya. Ta kalittan o tatasa jinyo a to nazibo ni Ama ta do to.

1 Yowani 3:18

Manga ovay, taosya o ciring so pangangarilawan an. Ta o manoyong a pangarilawan na am macita do icicirawat na o panidongan na so tao.