Sipolay 1:14 - Seysyo No Tao

¹⁴ Ikongo o tinsi. Sira rana am na kalamsoyan sira ni Ama ta do to a somidong so yarana makahap so to meyyonong a ikavyay no pahad da tao.

Sipolay 1:14 Iomraidhean Croise

Matay 1:20

Naknakmen na o akman sang a vazay am mangay na patateynepan no tinsi ni Ama ta do to. Maniring am, “Mo Yoseyvo a sivovoong ni Tawey, ji ka nyahey. Ta ahapen mo si Madiya kataned mo do vahay. Ta o na alavaten am yapo do Seyzi na ni Ama ta do to.

Matay 13:41

Yaken rana a Nipamnekan na ni Ama ta do to a tao am manovoy ko so tinsi a mangay omrakep so tomirara so tao a meyraraten a kano marahet so ahahapan sya,

Matay 18:10

“Makapzat kamo. Ji nyo ngolala sira o pakananaken da tao. To ko na macitangayan jinyo am o tinsi a yasomidong sira am yamyan sira do tangain ni Ama ta do to do teyngato.

Matay 2:13

Mangay rana sira am patateynepan na si Yoseyvo no tinsi ni Ama ta do to. Maniring jya am, “Peyvangon rana kangay mo nira meyina a somazok do Ayci, kato nyo ngyanan dang a meyvahay mangay no ipanci ko na inyo a komaro do dang. Ta si Helote am na kalahen o kanakan a yawakwaken.”

Matay 24:31

Manovoy ko so aro a tinsi a meyzapa a ipatao ko so tao do peycyavanovanwan na a mapeylovolovot so nipanop ni Ama ta do to a tao do teyhesa ka mahataw.

Matay 25:34

Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.

Matay 4:11

Makarahan am karwan na rana si Yeso ni Satan a kai no aro a tinsi ni Ama ta do to a somidong sya.

Make 10:17

To rana jyangay si Yeso am to ngyan so asa ka tao a malayo a mangay a meylilitod do tangain na. Maniring jya am, “Mo Mangnanao a tey yapya so nakenakem. Makongo ko so wanjin a kapakahap ko so to meyyonong a ikavyay no pahad ko.”

Locya 1:19

Maniring o tinsi am, “Yaken rana ya am lamlamsoy na yaken ni Ama do to a meyngaran si Cyapaydi a yana nitovoy a mangay a manci nya jimo so rako a vazay eya.

Locya 1:23

Komavos o vazay na mapatanang so nakem da si Ama ta do to am mangay rana do vahay da.

Locya 16:22

Mawakwak o ipangoyongoyod da tao ori am yangay da no tinsi do tangain ni Apolahan. Mawakwak o katenngan a tao ori am ibobo no tao.

Locya 2:13

Meyratateng am amyan so aro a tinsi do hanit a macizanod do tinsi ang a somaray ni Ama ta do to. So peycirngan da so,

Locya 2:9

to ngyan so tinsi na ni Ama ta do to a mapacita jira. So nicirayan na sira no oyowyat na ni Ama ta do to. Am ori o nikanyahey da.

Nimlivolivon 11:22

Mamizing da no omraralay ni Yeso do Yelosaleng o akman sang a vazay am tovoin da si Parnapo a mangay do Antia.

Nimlivolivon 12:23

Nikakza na ni Helote o kararalay da nya no tao. Meyratateng am mina to meyhekas o tinsi ni Ama ta do to ambakbak jya, ta ji na azwazwaya si Ama ta do to. Am ori o nipanmanma na a nimowwed a kazakat na rana.

Nimlivolivon 12:7

Am to ngyan so asa ka tinsi ni Ama ta do to a meytatanek. So nicirayan na so pamemtengan a kapinan na do pakaw na ni Pite a yokain. Maniring am, “Kayokay rana.” Meyratateng am mina todazavat do lima na ni Pite o nivaod da sya.

Nimlivolivon 13:2

No kararalay da ni Ama ta do to a ji mangakaday am maniring jira o Seyzi am, “Pamnekan nyo si Parnapo a kani Sawlo a mapeyvazay so vazay ko.”

Nimlivolivon 16:26

Meyratateng am to ngyan so rako a kanini. Am ori o nikagonagonay no pamemtengan a kapeycyeyweywang na no pangengneban. O nivaod da sira vahalang do lima da am to meycyazavazavat.

Nimlivolivon 27:23

Ta si Ama ta do to rana a yako iraralay am nimanovoy so tinsi na no kamahep a yamanci nya jyaken. Yamaniring jyaken am,

Nimlivolivon 5:19

Mahep rana am amyan so tinsi ni Ama ta do to a nimiwang do pamemtengan a kapalolo na sira makowbot. Maniring jira am,

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

Loma 13:6

O itoro nyo a deyking do seyvo am itoro nyo, ta o meyvazay da no amyokod ninyo a tao am vazay ori ni Ama ta do to.

Loma 15:27

Ori rana am nakenakem da o kasidong da sira. Am manoyong o kasidong da so yamakasi a tao do Yotay. Ta o beken a tao do Yotay am macivonong sira do aryarilaw na ni Ama ta do to. Am ori o pantan da nira so isidong da so makcin a tao do Yotay.

Loma 8:17

No manoyong o kakma tey anak ni Ama ta do to am manoyong keyyan no itoro na jyaten no makwa. So ikakman ta sang a macikasaray do Anak na si Yeso Kizisto. Ta yaten rana am no macyanod ta do alalaw na ni Kizisto am macikazway ta do azwazway na.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

2 Kedinto 9:12

Ta o kingking nyo am yamanoyong yamakasidong so sinjya. So ikanoyong da no aro a tao a somaray nya ji Ama ta do to.

Cyalatay 3:29

No kamo macilovot ji Kizisto am manoyong kamo na a macikownongan ji Apolahan a omamoon so aryarilaw na ni Ama ta do to si Apolahan.

Cyalatay 3:7

Am ori an, no si myan so tao a meyhanhan ni Ama ta do to am manoyong ori a macikownongan ji Apolahan.

Cyalatay 3:9

Nyanoyngan na ni Apolahan. Ori o nikarilawan na nya ni Ama ta do to. So ikamimin no omanoyong jya tao a ikarilaw na ni Ama ta do to.

Ivoso 3:6

O ji da nipatwaw a nanao na am na rana pazanoden o beken a tao do Yotay do meyngongyod a tao do Yotay a makahap so aryarilaw na jyaten ni Ama ta do to, do kanimakamizing nyo rana so Mapasaray a Ciriciring na ni Kizisto. So nyo rana icyakmey yasa so nakem a kano tao do Yotay a meyhanhan ni Yeso Kizisto a makahap so to meyyonong a ikavyay no pahad nyo.

Veydipi 2:17

O raralayan nyo ni Ama ta do to am akmey nakem nyo a patanangen nyo jya. Tana wakwaken da rana yaken a pavoyogen so rala am cyaha, ta akmey nakem ko rana ori a patanangen ko ji Ama ta do to. So ko isaray, ta macizanod kamo jyaken a somaray.

Veydipi 2:25

Ko naknakmen o katovoy ko so akma tey kakteh do cinai a si Ipaloti a mangay jinyo do dang. Ta iya rana am arako o nisidongan na jyaken do kanitomovoy nyo sya jyaken, do katey mowyat na a macipeyvazay jyaken.

2 Tesalonicya 1:7

Inyo rana a yakman jyamen a da peyrarehten am ji kamo alaw, ta balinasen na rana ni Ama ta do to o alalaw ta no si mai si Yeso a Panirsirngen ta a meygegcin apo do teyngato a maciralay do apoy a kano aro a mowyat a tinsi. So ikanoyong no ji nganoyong jya tao a kano ji ngamizing so Mapasaray a Ciriciring na ni Yeso a Panirsirngen ta a ioya na.

Tito 3:7

O pangangarilawan na ni Ama ta do to am ori o ikapya ta na so nakenakem jya, ta abwata rana o raraten ta do tangain na. So ikanoyong ta mapananala so kapakahap ta rana so to meyyonong a ikavyay no pahad ta.

Sipolay 10:11

O yamapatanatanang nira so nakem da no tao do Yotay am mangday so araw sira a yameytatanek a yamahap so vazay ni Ama ta do to a mapatanang so kagling a kano baka. Am yameyyangangay do araw o da patanangen. Tana todangay no makwa am ji na vonas o raraten no tao no rala no kagling a kano baka.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

Sipolay 6:12

Namen ji mamyapyan inyo a malma so onowned. Inarahen nyo sira o yaji macizizikna a yaomanoyong ji Ama ta do to a tao. Ta ori o ipakahap nyo so makakaday a nakem na jinyo ni Ama ta do to.

Sipolay 6:17

Mina to na rana mancyan ni Ama ta do to o kaji na ablisan no nakenakem na sira so tao a omamoon so mina ciring na jira. Am ori o nyaitan na do ciring na ni Ama ta do to akma ney yongkad. O nipasongsong na ciring am ngaran na ni Ama ta do to,

Sipolay 8:6

Am o vazay na ni Yeso a mapatanatanang so nakem ta ji Ama ta do to am maharahara pa kano vazay da no mapatanatanang so nakem no tao do teyrahem. Ta si Yeso rana am nipanop na yaten no vayo a pangozayan a ciring na ni Ama ta do to. O vayo a pangozayan a ciring na ni Ama ta do to am omaing do mina ciring na ni Ama ta do to so omanoyong jya tao. So ikapyapya na pa no nang a kano adan a pangozayan a ciring.

Sipolay 9:28

Yakman sang si Kizisto a ipisa mapatanang so kataotao na a ivonas na so raraten no aro a tao. So ikeypisa na pa mai do teyrahem. Am beken a raraten o vazay na. Ta mangay na hapen sira o mapanala sya tao.

Yake 2:5

Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.

1 Pite 1:12

Nipaziman na rana ni Ama ta do to do panoyonoywan na so ciring a tao o ka beken na monganay jira no ipanci da vazay. Ta monganay jinyo a omanoyong jya. Am sicyaikwaya am na rana nioyatan sira no Seyzi o yameylimwang no Mapasaray a Ciriciring jinyo. Am o da ipeylimwang ori am mangay do tinsi o yamakza nya a katenngan.

1 Pite 1:4

So tamo ikanoyong a yaomamoon so peymeymasaodan na ni Ama ta do to a omanoyong jya tao. To meyyonong o itoro na jinyo do teyngato ni Ama ta do to.

1 Pite 3:7

Inyo rana mahakay a katovong da am panadnaden nyo sira o katovong nyo do vahay a mavakes, do kaji da macingayan jinyo so kolit. Ori an, kanigan nyo nira. Ta meyyangay kamo a makahap so to meyyonong a ikavyay no pahad nyo. No si mahap nyo o akman sang am abo ji na ngamizing a inozi nyo ni Ama ta do to.

Yota 1:14

Amyan rana so ciring na a pagazen na jira do ikapito da tapilan no sivosivovoong na ni Adam a meyngaran so Inok. Maniring am, “Cita kamo o Panirsirngen ta a yamapalolo so yameykalaklaksa a tinsi a yamai do karawan,

Ipaziman 5:6

Karahan am macita ko o Kagling a amyan do avak no lilisnan a kano apat a ka omalalam a kano kamanrarakehan. O Kagling rana am akma raney niwakwak da a apito so ozong a kapito no mata na. O mata na am Seyzi na ni Ama ta do to a nitovoy na mangay do teyrahem.