Make 9:1 - Seysyo No Tao

¹ “To ko na macitangayan jinyo am o yameytatanek do jya tao am amyan jira so makapis pa so azwazway na ni Ama ta do to a meygegcin do karawan do ikamavyay da pa.”

Make 9:1 Iomraidhean Croise

Matay 16:28

To ko na macitangayan jinyo am o tao a yatomanek do jya am amyan jira ang so makapis pa jyaken a Nipamnekan na ni Ama ta do to a tao a mai a tomalamozong no karawan, do ikamavyay da pa.”

Matay 24:30

No si marateng ori am meytotwaw rana o tovil no Nipamnekan na ni Ama ta do to a tao a meygegcin do karawan. Amzikzik rana sira manyahey o aro a tao do karawan. Ta macita da rana yaken a Nipamnekan na ni Ama ta do to a tao a meygegcin do cinalab no rako a oyowyat ko a kano azwazway ko.

Matay 25:31

“No si meypanirsirngen o Nipamnekan na ni Ama ta do to a tao a macihza do tinsi ni Ama ta do to am amlisna do mazway a lilisnan na.

Make 13:26

No si marateng rana ori am meytotwaw ko rana a Nipamnekan na ni Ama ta do to a tao do cinalab a meygegcin no rako a oyowyat ko a kano azwazway ko.

Make 13:30

Manakem nyo an, ta amyan kamo pa tao sicyakwaya am makaranes rana o akman sang a vazay.

Locya 2:26

Nipanta na no Seyzi si Simoyang so ipakateneng na do kapakapis na pa so tovoin na ni Ama ta do to a Kizisto.

Locya 22:18

Ko ipanci jinyo am papwen ko sicyaraw eya o kaji ko na ngyopan so potaw cyo mangay no si papwen na ni Ama ta do to o katalamozong na rana ninyo.”

Locya 22:30

So ipacihanghang nyo jyaken do teyngato no makwa a kalisna nyo do lilisnan no pakaizain a tomalamozong no sivosivovoong da no rarwa so ikakarwan a ananak na ni Yakebo.”

Locya 9:27

Ko pa ipanci jinyo am inyo rana yameytatanek do jya am amyan jinyo so makapis pa so sang a mavyay pa tao. So ipakacittan nyo so talamozongan na ninyo ni Ama ta do to.”

Yowani 21:23

Karahan am o akman sang a ciring am todavangovangon. Ori malavat da no macinanao ji Yeso o kaji na wakwakan no asa ka macinanao ji Yeso. Am ji na nipanci ni Yeso o kaji na wakwakan no nang. Ta kapanci na no, “No si ipanci ko kato na avyayan a mangay no yai ko na am ikongo mo kazyakan nya.”

Sipolay 2:9

Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.