Make 8:6 - Seysyo No Tao

⁶ Makarahan am ipanci na o aro a tao a amlisna kahap na rana so apito a myanpaw a isaray ji Ama ta do to a kakcikcil na rana sya itoro do macinanao jya a kavonong da rana sya do aro a tao.

Make 8:6 Iomraidhean Croise

Matay 26:26

Koman sira am ahapen ni Yeso o pang a isaray na ji Ama ta do to a kakcikcil na sya a itoro do macinanao jya. Maniring am, “Ahap kamo a kakan nyo sya, ta kataotao ko ya.”

Make 8:20

Maniring pa si Yeso am, “No kakcikcil ko so apito a ka myanpaw a ipakan so kakapatan a ranaw (4000) a tao am apira ka yala o nikpeh nyo a atda da.” Maniring sira am, “Apito a ka yala.”

Make 8:5

Maniring si Yeso jira am, “Yapira myanpaw o yamyan jinyo.” Maniring sira am, “Yapito a ka myanpaw.”

Make 8:7

Amyan so ji makanateng a lilikta among. Akman sang ta isaray na ji Ama ta do to ni Yeso a kapanci na rana no macinanao jya amvonong sya do aro a tao.

Locya 12:37

Meysinaoli o lawpan am macita na o lamlamsoy na a yapiya so nakenakem. Ori o nisarayan na nira. Ko pa ciring jinyo am jyabo kaji na meyyaywayob no lawpan a mapalisna sira a kangay na tomaotao so lamlamsoy na.

Locya 24:30

Amhezsad a macihanghang jira si Yeso am ahapen na o myanpaw kasaray na nya ji Ama ta do to a kapeyketeb na sya a itoro na jira.

Yowani 2:5

Maniring o ina na do lamlamsoy no meysinmo a tao am, “To nyo ngamiznga o pahanhanan na jinyo.”

Yowani 6:23

Amyan so nimapo do Tipilyo a tataloran a manbong do masngen do nyahapan na ni Yeso so myanpaw a isaray ji Ama ta do to a nibsoyan na so aro a tao.

Loma 14:6

O tao rana a tongdeng do kasaraw a raralayan da ni Ama ta do to am isaray da o kapakanakem da si Ama ta do to. Akman sang o makakakan a tao, ta isaray na ji Ama ta do to o kanekanen na. O ji makakakan a tao am akman sang. Ta isaray na si Ama ta do to.

Kelosi 3:17

O makakaday a vazay nyo a kano ciring nyo am mamimin a pagazen nyo do ngaran ni Yeso a Panirsirngen ta a somaray nya ji Ama ta do to.