Make 7:4 - Seysyo No Tao

⁴ O nisazangan a kanekanen am no ji ngoyasi am ji da nganna. So ikaro na pa dang no iwawalam da vangovangonen da do kowyas da do ininoman da kano kama da kano makakaday a kakakanan da.

Make 7:4 Iomraidhean Croise

Matay 23:25

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Inyo rana am nyo ji peylolita o kakanan nyo. Am onowned nyo am yamapno no yamakakaday a nyo peyraratenan.

Matay 23:26

Inyo rana yakmey mavota tao a macyagom do Vadisay am apyapya pa o kayavayo nyo so onowned nyo. Ta ori o ikapiya na rana no icicirawat nyo.

Matay 27:24

Ileylamdamen na sira ni Pilato am katenngan na rana o kabo na rana no pasapahen na jira ciring, ta ikanyahey na kapeyzavozavoz da no aro a tao. Meyratateng am mangap so ranom a pangain na do tangain no aro a tao a kapavanaw na. Maniring am, “No si mawakwak ya am cyaha, ta beken a raraten ko, ta monganay jinyo.”

Make 7:8

Maniring si Yeso am, “Nyo ikeykakza pa o icicirawat no ineynapo nyo a kano Ciriciring na ni Ama ta do to.”

Yowani 2:6

Amyan dang so anem a peraranom. Ori rana am iwawalam da no tao do Yotay a pavavanawan da. O kazomzomyan no peraranom am akman so makanateng a rarako a kama.

Yowani 3:25

Tatasa ka macinanao ji Yowani o macinekanekad do asa ka tao do Yotay. O ikazyak da am kataktak do tao.

Sipolay 9:10

Ta do ji na pa nimapatwawi ni Ama ta do to so apyapya pa kano adan a pangozayan a ciring am mamimin pa ori a omagaz do icicirawat a kano isovo a kanen.

Yake 4:8

Macikasngen kamo ji Ama ta do to a kapacikasngen na jinyo. Inyo a yameycyakawad so nakem ji Ama ta do to a tao am ablisan nyo na o malas a onowned nyo a kaji nyo na meylimotngan so onowned.

1 Yowani 1:7

Am no si amyan ta do kazngangan a akman si Ama ta do to am macikaop ta do akma tey kakteh do cinai a omraralay ni Ama ta do to. Ta o rala na ni Yeso Kizisto a Anak na ni Ama ta do to o amvonas so makakaday a raraten ta.