Make 2:12 - Seysyo No Tao

¹² So nipeyvangon na rana no tao a omahap so nirayan na a kapakowbot na rana. Pacimatan da no aro a tao am ori o nisavasavakan da nya a kazwazway da na si Ama ta do to. Maniring sira am, “Namen pa jya nimakacita so akman sya vazay.”

Make 2:12 Iomraidhean Croise

Matay 12:23

Nisavasavak da no aro a tao. Maniring sira am, “Ala iya ya o sivovoong ni Tawey.”

Matay 15:31

Macita da no aro a tao o ji makabnebnek a kano nimakasapa kano mapilay a kano mavota a to rana apya am isavasavak da. So nyazwazwayan da rana so Tao do to da no Isedi a tao.

Matay 9:33

Vozwawen ni Yeso o kalamsoyan ni Satan do kataotao na am to rana makabnebnek o tao ang. Ori o nisavasavakan da nya no aro a tao. Maniring sira am, “Abo pa o akman so sya vazay a nimacita namen do Isedi!”

Matay 9:8

Macita da no tao am nisavasavak da a kazwazway da si Ama ta do to, ta nipakemkem na do tao o oyowyat na.

Make 1:27

Isavasavak da no aro a tao. Am ori o nipeysingsingkad da manci no, “Asyo o akman sya vazay. Abo pa o akman sya nimamizing ta a nanao. Asyo oyowyat na ori yato makavozwaw so kalamsoyan ni Satan ang. Na to ngamiznga pa no kalamsoyan ni Satan o ciring na ang.”

Make 2:11

“Ko ipanci jimo am, Peyvangon rana kahap mo rana so yamo nirayan a mangay do vahay nyo.”

Locya 13:13

Paoptahen na o lima na ni Yeso am ji nimeyyahahay ori a matazineng rana so kataotao. Ori o nisarayan na nya ji Ama ta do to.

Locya 17:15

Maliliw na no asa ka tao jira o kanimapya na rana no kataotao na am meysinaoli pa a somaray nya ji Ama ta do to,

Locya 5:26

So nipeyzokaban da nya no aro a tao a isaray ji Ama ta do to a manci no, “Sicyaraw rana ya am yanamen nimakacita so yamapeyzokab a vazay.”

Locya 7:16

Ori o nisavasavakan da nya no aro a tao a kasaray da nya ji Ama ta do to. So peycirngan da so, “Oyod a myan jyaten so panoyonoywan na so ciring ni Ama ta do to.” Maniring sira pa am, “Yanimakaranes rana o yamapatazadang jyaten.”

Yowani 7:31

Am amyan do aro a tao ang so omanoyong jya. Maniring sira am, “No si mai o Misayya am arwaro pa o peyvazain na vazay a yongkad no kayapo na ji Ama ta do to a kano tao eya?”

Yowani 9:32

No kamaog no karawan eya am abo pa o tao a to mangiwakwak so mata no nimeycicinda a mavota tao.

Nimlivolivon 4:21

Meyratateng am peyparowen da o ciring da yalalaw da sira kapasaway da rana sira. Ta ji da kala o karatan da, a macyoman pa o kanyahey da no aro a tao ang a somaray nya ji Ama ta do to, do mapeyzokab a vazay na do nimapilay ang.