Make 16:9 - Seysyo No Tao

⁹ [Apnezak do niciyo am mirwa mavyay si Yeso. O ney manma na nipacittan na no kataotao na am si Matelyan Madiya. Iya rana am nipamozwawan na ni Yeso so apito a kalamsoyan ni Satan.

Make 16:9 Iomraidhean Croise

Matay 27:56

O amyan do dang am Matelyan Madiya kano asa ka Madiya a ina da Yake a kani Yoseyvo a kano mavakes ni Sipitay.

Make 15:40

Amyan so aro a mavakes a makacita sya a macyatovang jya. Sira rana am Matelyan Madiya kano ina na ni Yake a kani Yoseyvo a Madiya kani Salomey a kano karwan da icyamavavakes da.

Make 15:47

Si Matelyan Madiya kano ina na ni Yoseyvo a Madiya am nimacilolo sira. So pakatenngan da do nipakakasan da si Yeso.

Make 16:8

No mangay kanyahey da am mangay keyyak da nya a malalayo a komaro rana do heseb na. Am ji da nipanci do tao. Ta manyahey sira.

Locya 24:10

O ngarangaran da no mavavakes am Matelyan Madiya kani Yeanna kano ina na ni Yake a meyngaran si Madiya kano karwan da mavakes.

Locya 8:2

kano aro a mavakes a nivozwawan na so kalamsoyan ni Satan a kano niwakwakan na so kataotao. Amyan jira so meyngaran so Matelyan Madiya pinamozwawan ni Yeso so papito a kalamsoyan ni Satan a nikomovot jya,

Yowani 20:12

Am to makacita so rarwa ka tinsi ni Ama ta do to a meyyayob so malavang a amlisna do nipangayan da si Yeso. Asa am amyan do nipeypaowan da sya. Asa am amyan do niyanan no ai na.

Nimlivolivon 20:7

Makoyab do niciyo am malovot namen a kano akma nameney kakteh do cinai a mahahanghang a makanakem si Yeso a nimawakwak no raraten ta. So todavaki jya do ahep ni Pawlo a mangnanao, ta imong na o kangay na rana do ikadwa na araw.

1 Kedinto 16:2

Mangday ka niciyo na o kamimin nyo a mapasina do nizpi nyo a nimahap nyo a kakpeh nyo sya. Am to nyo palolwa do karwaro no nimahap nyo a nizpi o pasinahen nyo. Ji nyo nanala yaken, ta to nyo ngonongonongi o kapeysinsinmo nyo sya.

Ipaziman 1:10

Ipisa ka niciyo na am oyatan na yaken no Seyzi. So nipakamizing ko so akmey meyzapa a manci nya jyaken do likod ko.