Make 14:1 - Seysyo No Tao

¹ Kadwa araw pa kapamaring da so kanen a koman so ji nimimway a pang do Iyeci. Am o panipanirsirngen da no mapatanatanang so nakem da si Ama ta do to a kano mangnanao no iwawalam ni Ama ta do to am naknakmen da o ahahapan da si Yeso, do rakpan da sya do ikabo no tao a wakwaken.

Make 14:1 Iomraidhean Croise

Matay 12:14

Makowbot sira o tao a macyagom do Vadisay do peyneynozyan am ipeysirsiring da o kacivet da ji Yeso.

Matay 6:2

No mangazaw ka am taosya o kapacita mo nya, akman so tanwasiwasi do peyneynozyan a kado rarahan a mapacita no kasidong da so tao. Ko ipanci pa jinyo am tana mahap da o kazwayan da do karawan am abo rana mahahap da a kadmayan da ji Ama ta do to.

Make 14:12

Omanam o kasaraw do ipamaring da so kanen a iyakan da so ji nimimway a pang am manwakwak sira so kagling. Maniring sira ji Yeso o macinanao jya am, “Do wanjin mo tovoyan jyamen a tomalakanen so pamaringan ta so kanen do Iyeci.”

Make 14:2

Maniring sira am, “Taosya o karakep ta sya do ipamaring so kanen, ta meyvonag sira o aro a tao.”

Yowani 11:47

Am ori o nipeykaygi da no tao a macyagom do Vadisay a kano panipanirsirngen da no mapatanatanang so nakem da si Ama ta do to. Maniring sira do kaygi da am, “Yatey yaro o mapeyzokab a vazay na mina vazay. Meypanngonngo tamo.

Yowani 13:1

Kasaraw pa kapamaring da na so kanen do ngaranan da Iyeci am katenngan na rana ni Yeso o kakeykai na rana meysinaoli ji Ama na do to. Na tey karilaw o omanoyong jya tao do karawan. Tana marateng rana o ikawakwak na am ji namtadan o karilaw na nira.

Nimlivolivon 12:4

Marakep na si Pite am pasdepen na do pamemtengan a kapahanhan na so meykalsong a tomita sya. Amyan so meykapat a lipenpenan a teypapapat a mapalipalit a tomita sya. Ta naknakmen na ni Helote o kapacici na sya wakwaken do tangain no aro a tao, no mateyka rana sira mamaring so kanen do Iyeci.