Make 13:33 - Seysyo No Tao

³³ Azimanen nyo. Yokain nyo o onowned nyo. Ta ji nyo a tenngi o ipakaranes no araraw ang.

Make 13:33 Iomraidhean Croise

Matay 25:13

Maniring rana si Yeso am, “Ori an, ipeytataziman nyo an. Ta ji nyo a tenngi o araraw na no yai ko.

Make 13:23

Azimanen nyo. Ta ko rana nipanmanma a ipanci jinyo o akman sang a vazay.

Locya 12:40

Am ori o ipeytataziman nyo an. Ta ji nyo a tenngi o araraw no ipeysinaoli ko do teyrahem a Nipamnekan na ni Ama ta do to a tao.”

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

1 Kedinto 16:13

Meytataziman kamo an. Makahadpet kamo so nakenakem a omraralay ni Ama ta do to. Ji kamo a nyahey.

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

Kelosi 4:2

Makowyat kamo a meynozi. Ji kamo tongwakwan a meynozi. Ta mapo do onowned nyo o inozi nyo a kasaray nyo so onowned ji Ama ta do to.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

1 Pite 5:8

Meypepzat kamo. Taosya o kakma nyoy mitkeh so onowned. Ta si Satan a kavosoyan nyo am yakmey kokoman so tao a yaji yakneng do na yanan a yameykala so tao a na kanen a na pasyain so nakem ji Ama ta do to.

Ipaziman 16:15

“Amizngen nyo an. No mai ko am akma koy manakaw a ji mapaziman a mai. O meytataziman a tao am tey yapya o akman sang, ta nyayoban na rana o kataotao na. So ji na rana macimasesneki no kataotao na do tangain no tao.”

Ipaziman 3:2

Am ori o ipeytataziman nyo an. Ta komdeng kamo so nakem an, do yanyo ikavyay pa eya an. Ta ko katenngan o vazay nyo do tangain ni Ama ta do to a yapa ji makanet.