Make 13:21 - Seysyo No Tao

²¹ “No amyan so tao a manci nya jinyo so, ‘Oya do jya si Kizisto. Ori do kwang si Kizisto,’ am ji nyo nganoyngi.

Make 13:21 Iomraidhean Croise

Matay 24:5

Ta aro o tao a amvood so ngaran ko a manci no, ‘Yaken am si Kizisto ko,’ a ilita da do aro a tao.

Make 13:20

No ji na pazikenkeni ni Ama ta do to o araraw no akman sang a alalaw do teyrahem am abo tao a mavyay. Am na kapakanakem so na nipamnekan a yamraralay nya a tao. Ori o na pazikenkenan do araraw no alalaw do teyrahem.

Make 13:22

Ta amyan so tao no makwa a manci no ka si Kizisto da kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da do nipamnekan na ni Ama ta do to a yamraralay nya tao.

Locya 21:8

Maniring si Yeso am, “Azimanen nyo an. Ta ji kamo a litai an. Ta mangay o keyyan no aro a tao amvood so ngaran ko a manci no, ‘Yaken am si Kizisto ko,’ a kapanci da pa no, ‘Yamasngen rana o araraw no kavosan no karawan.’ Am ji nyo ngonoci sira an.

Yowani 5:43

O ko nyai do teyrahem eya am nakenakem na ni Ama. Am nyo ji ngonoci yaken. Am o yamacitarek a tao a yamangozay do ngaran da am nyo onotan.