Make 12:27 - Seysyo No Tao

²⁷ O peypeypangayan no nang am Tao do to da si Ama ta do to no mavyay a tao a omanoyong jya. Ta o tao rana do tangain ni Ama ta do to am mamimin a mavyay sira. So yanyo ikanoyong a yamalas a manci no kaji da mirwan a mavyay no nimawakwak rana tao.”

Make 12:27 Iomraidhean Croise

Matay 22:29

Maniring si Yeso jira am, “Yamalas nyo ahapan sya. Ta nyo jyatenngi o Seysyo. Nyo jyatenngi o oyowyat ni Ama ta do to.

Matay 22:32

O ciring na ni Ama ta do to am, ‘Yaken rana am Tao do to ko ni Apolahan a kani Isa kani Yakebo.’ O peypeypangayan no nang am Tao do to da si Ama ta do to no mavyay a tao a omanoyong jya. Ta o tao rana do tangain ni Ama ta do to am mamimin a mavyay sira.”

Make 12:24

Maniring si Yeso jira am, “Kamo tey malas an. Ta nyo jyatenngi o Seysyo. Nyo jyatenngi o oyowyat ni Ama ta do to.

Locya 20:38

O peypeypangayan no ciriciring eya am si Ama ta do to rana am Tao do to da no mavyay a omanoyong jya tao. Tana nimawakwak rana, avyain na sira. Ta o tao rana do tangain ni Ama ta do to am mamimin a mavyay sira.”

Loma 14:9

Ta si Yeso Kizisto rana am nimawakwak a keypirwa na rana mavyay. O ikakman na sang am peypanirsirngan da no mavyay a tao a kano nimawakwak a tao.

Loma 4:17

Ta maniring do Seysyo am, “Ko abneken imo a ama da no tao do peycyamahamahatawan na.” So ipangononong na no ciring ni Ama ta do to. Ta o na anoyngan ni Apolahan a Tao do to am yamapeyvangon so nimawakwak a tao a nimangamamaog so karawan.

Sipolay 3:10

Am ori o nioyyan ko no tao no kanang. Maniring ko rana am, ‘Da pasobnan yaken a ji ngamiznga so ciring.’