Make 11:1 - Seysyo No Tao

¹ Masngen rana sira do Yelosaleng am mangay sira do tokon a meyngaran so Kanlan. O tokon rana am masngen ori do Peyvake a kado Potani a ili. Karahan am manovoy si Yeso so rarwa ka macinanao jya manma mangay.

Make 11:1 Iomraidhean Croise

Matay 21:17

Karahan am karwan na rana sira ni Yeso a meypangay do Potani a keysan na do dang.

Matay 24:3

Amyan si Yeso do tokon a meyngaran so Kanlan am mangay sira o macinanao jya a mapacici sya. Maniring sira am, “Ipanci mo pala jyamen o araraw no ipakaranes no nang. Akman so wanjin no mai ka. Akman so wanjin o pangavosan no karawan.”

Matay 26:30

Meyyanwanood sira so asa ka anwanood a sarayan da ni Ama ta do to a kapakowbot da rana a mangay do meyngaran so Kanlan a tokon.

Make 11:2

Maniring si Yeso jira am, “Angay kamo do ili. Si mangay kamo am amyan dang so asa ka baka ji pa nikaoranan no tao a makedked do dang. Si macita nyo am ovain nyo a kai nyo nya jya.

Make 13:3

Amyan si Yeso do tokon a meyngaran so Kanlan do katovangan na no rako a panaralayan. Omlisna si Pite a kani Yake a kani Yowani a kani Antele am pacicin da si Yeso.

Make 14:13

Karahan am mapahanhan si Yeso so rarwa ka macinanao jya. Maniring jira am, “Angay kamo do ili. Si makasinmo kamo so asa ka mahakay a omoli rana no ranom da am macihza kamo jya.

Make 6:7

Nilovot na sira o rarwa so ikakarwan a macinanao jya kateyrararwa da tovoin a kapanta na nira so oyowyat da ipamozwaw da so kalamsoyan ni Satan a komovot do tao.

Yowani 8:1

Am nimangay si Yeso do meyngaran so Kanlan a tokon.

Nimlivolivon 1:12

Meyratateng am karwan da rana o meyngaran so Kanlan a tokon no nipamnekan ni Yeso a omlivolivon no ciriciring na a meysinaoli rana do Yelosaleng. O karairai na am kakteb no toki do alaman sya.