Make 10:2 - Seysyo No Tao

² O tatasa ka tao a macyagom do Vadisay am mangay sira ji Yeso. Naknakmen da o keyleylamdam da sya. Maniring sira jya am, “Ikongo yadomket do iwawalam ta do mahakay a mapakaro so kataned na do vahay. Pancyan pala jyamen.”

Make 10:2 Iomraidhean Croise

Matay 15:12

Makarahan am maniring sira o macinanao ji Yeso am, “Da mamizing no tao a macyagom do Vadisay o ciring mo am sira ji makamyamya. Manngwa, mo katenngan an?”

Matay 16:1

Amyan so tao a macyagom do Vadisay a kano macyagom do Satokay a mangay ji Yeso a omnakenakem so keyleylamdam da sya. Am ori o kakzeban da sya a mapacita no mapeyzokab a vazay na a yongkad na apo ji Ama ta do to.

Matay 19:3

O tatasa ka tao a macyagom do Vadisay a nimangay ji Yeso am naknakmen da o keyleylamdam da sya. Am ori o nipancyan da no, “Manngwa, apya do iwawalam ta o kapakaro ta so kahanghangan ta an?”

Matay 22:35

Amyan jira so asa ka mangnanao no iwawalam ni Ama ta do to a amnakenakem so keyleylamdam na si Yeso no asa ka ciring.

Matay 23:13

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am nyo taywen o oyowyat ni Ama ta do to do tangain no tao. Nyo ji mya o kataotao nyo a macikaop do italamozong ni Ama ta do to. Akman sang o tao a nyo ji mya a yamacikaop do italamozong ni Ama ta do to.

Matay 9:34

Am maniring sira o tao a macyagom do Vadisay am, “Oyowyat na ori a yamamozwaw an? No na nitoro jya ni Satan.”

Make 10:1

Karwan na rana ni Yeso do dang a kapeyhavas na do ayo a meyngaran so Yotan a meypangay do Yotay. Macita da sira no aro a tao am meysinsinmo sira do tangain ni Yeso. Akman sang a amnanao sira.

Make 10:3

Makarahan am olin na sira pacicin ni Yeso. Maniring jira am, “Ikongo o ciring na ni Moyse.”

Make 8:11

Amyan so tao a macyagom do Vadisay a nimangay ji Yeso a macinekad jya. Naknakmen da o keyleylamdam da sya. Am ori o pasonsonan da sya mapeyvazay so mapeyzokab a vazay. Ta yongkad na no kanoyong na apo ji Ama ta do to.

Make 8:15

Maniring si Yeso jira am, “Azimanen nyo o akmey kosozi no odong a yamyan do tao a macyagom do Vadisay a kani Helote.”

Locya 11:39

Maniring si Yeso jya am, “Inyo rana tao a macyagom do Vadisay am nyo ji peylolita o kakanan nyo am onowned nyo am yamapno no yamakakaday a nyo peyraratenan.

Locya 16:14

Mamizing da no tao a macyagom do Vadisay o ciring na ni Yeso am ipeykeykaming da, ta ikakza da o nizpi.

Locya 5:30

Ori o nikazyakan da nya no tao a macyagom do Vadisay a kano mangnanao no iwawalam ni Ama ta do to. Am ori o nipancyan da nya do macinanao ji Yeso so, “Ikongo nyo ipacihanghang do mangangap so deyking a kano aro a meyraraten a tao.”

Locya 6:7

O mangnanao no iwawalam ni Ama ta do to a kano tao a macyagom do Vadisay am kalahen da o karatan na ni Yeso. “Manngo paro, ala mangiwakwak so meykeyngeyngen do ipeywalam no tao ang. Ta no si myan am ipanci ta do karwan no tao.”

Locya 7:30

Am o tao a macyagom do Vadisay a kano mangnanao no iwawalam ni Ama ta do to a jya nimya so kataktak na jira ni Yowani am nitaosya da o nakenakem na sira ni Ama ta do to.

Yowani 11:47

Am ori o nipeykaygi da no tao a macyagom do Vadisay a kano panipanirsirngen da no mapatanatanang so nakem da si Ama ta do to. Maniring sira do kaygi da am, “Yatey yaro o mapeyzokab a vazay na mina vazay. Meypanngonngo tamo.

Yowani 11:57

Nipanci da na no tao a macyagom do Vadisay a kano panipanirsirngen no mapatanatanang so nakem da si Ama ta do to do aro a tao o kapanci da no yanan ni Yeso, ta mangay da rakpen.

Yowani 7:32

Mamizing da no tao a macyagom do Vadisay o kazyak da ni Yeso am mapahanhan sira kano panipanirsirngen no mapatanatanang so nakem da si Ama ta do to so mamzamzat a mangay amrakep si Yeso.

Yowani 7:48

Manngwa, yamyan so panipanirsirngen a kano tao a macyagom do Vadisay a yaomanod jya?

Yowani 8:6

O peycirngan da sang am ileylamdamen da si Yeso. Ta no si ori pa o ipakakala da so iraherahet da sya am. Karahan am meylologod si Yeso a kapeyvatvatek na no tanoro na do tana.

1 Kedinto 10:9

Ji tamo nginara o yatatasa ka tao a mileylamdam si Ama ta do to, ta nisongit da sira no aro a mavowaw a kawakwak da.