Make 10:11 - Seysyo No Tao

¹¹ Maniring si Yeso jira am, “O mahakay rana to mapakaro so kataned na do vahay a kapasakay na pa so kadwan am manoyong rana o akman sang a raraten na, do kaji na mapanadnaden so kadwan na do vahay.

Make 10:11 Iomraidhean Croise

Matay 19:9

To ko na macitangayan jinyo am no ji da panadnada inyo no kataned nyo do vahay a mavakes am ori o ikakman nyo so sang. Am no abo a kato nyo pakarwan so kataned nyo do vahay a kangay nyo pa mapasakay so asa ka tao am raraten nyo rana ori.”

Make 10:10

Somdep sira do vahay am malavat da pa o vazay ang no macinanao jya.

Locya 16:18

“O mapakaro so kahanghangan na mavakes a kapapapen na pa so karwan no tao am raraten na ori. O mapapapen so nipakaro da mavakes am raraten na ori.”

Loma 7:3

Am ori an, no meyigegen pa o kahanghangan na am ji to macitovong do karwan no tao. Ta o akman rana sang am somagpyan. Am no nimawakwak rana o kahanghangan na am ipanci rana ori no tao a to rana naliway. So ikapya na rana macivahavahay.

1 Kedinto 7:4

Ta o kataotao no mavakes am italamozong no mahakay na. Akman sang o kataotao na no mahakay na, ta italamozong na no mavakes na.

Sipolay 13:4

Naknakmen nyo o kakdeng no meysinmo a tao. Masipanadnadnad kamo so nakem a marwarog do vahay. Ta o mapasagpyan so aktokto a tao am pasingsingtan na ni Ama ta do to.