Make 1:41 - Seysyo No Tao

⁴¹ Ikarilaw na ni Yeso. Am ori o niparapongan na so lima na jya. Maniring am, “Ko apyahen. So na rana ikapya no kataotao mo.”

Make 1:41 Iomraidhean Croise

Matay 9:36

Macita ni Yeso o aro a tao am ikarilaw na sira. Ta akmey minaminasbang sira abo so marilaw nira. Akman so kagling a abo so omonong jira a tao.

Make 1:40

Amyan so asa ka tao a omlabyab so kataotao a mangay do tangain ni Yeso a meylilitod a mapasyasi jya. Maniring am, “No si apyahen mo am jyabo kaji na apyan no kataotao ko a.”

Make 1:42

Ji nimeyyahahay o kataotao na mapya.

Make 4:39

Meyvangon si Yeso am sirsirngen na rana o pagpag a kano paopaong na. So ji na nimeyyahahai a meyhanahanang.

Make 5:41

Makarahan am ahapen na o lima no kanakan. Maniring jya am, “Tadita komi.” O peypeypangayan na no nang am, “Ko ipanci imo a meyvangon, manganako.”

Make 6:34

Makaranes si Yeso do pamsan na am macita na o aro a tao akmey kagling a abo so omonong nira. Am ori o nikasyan na nira. Makarahan am nanawen na sira no aro a ciring.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.