Make 1:35 - Seysyo No Tao

³⁵ Ji pazngang do ikadwa na araw am mayokay si Yeso a kangay na do kabwan no tao a meynozi.

Make 1:35 Iomraidhean Croise

Matay 14:13

Mamizing na ni Yeso o kanimawakwak na ni Yowani am omavang do vazangay a kano macinanao jya a komaro do dang a kaveyvow na mangay do kabwan no tao. Katenngan da no aro a tao am omalam sira a apo do peycyeylilyan na a omonot jya.

Matay 14:23

Teyka na taitaiden o aro a tao am maveyvow a mangay do tokon a meynozi. Mahep rana am amyan pa do dang.

Make 1:36

O meyngaran so Simong a kano kararay na am kalahen da si Yeso.

Locya 5:16

Am masangib si Yeso a komaro jira mangay a meynozi do kabwan no tao.

Locya 6:12

Ipisa mangay meynozi do tokon si Yeso. So mina to na ngyani rana do dang a kasahep.

Yowani 4:34

Maniring si Yeso jira am, “O kanen ko am onotan ko a pakavosen o vazay no yanitomovoy jyaken.

Yowani 6:15

Katenngan na ni Yeso sira toda ji ngamaog sya a panirsirngen da. Am ori o nikaveyvow na nimangay do tokon a tomayo nira.

Ivoso 6:18

Miminen nyo ori a ipeynozi ji Ama ta do to a kasidong na jinyo. Abo ji nyo meynozyan a tomala so Seyzi a meypalanginan ninyo. Ori o ipeytataziman nyo. Ji nyo amtadan o kapeynozi nyo no akma nyoy kakteh do cinai.

Veydipi 2:5

Inarahen nyo si Yeso Kizisto an.

Sipolay 5:7

No keyyan na pa ni Yeso do karawan am nimlolos a mapasyasi ji Ama ta do to a mapatastas sya do kawakwakan na. So niiteng no kaoo na mapasyasi ji Ama ta do to. Ikongo do nipehbo na o kataotao na, am ori o nyamizngan na sya ni Ama ta do to so ciring na.