Make 1:13 - Seysyo No Tao

¹³ So niyan na dang so kasikapat (40) so araraw a littan ni Satan. So nipacizavoz na do omalalam do dang. Am keyyan no aro a tinsi a somidong sya.

Make 1:13 Iomraidhean Croise

Matay 26:53

Manngwa, mo jyatenngi yaken? Ta si tawagan ko si Ama am jyabo kaji na manovoyan so makazivo a tinsi a somidong jyaken a.

Matay 4:1

Makarahan am ipeypalanginan no Seyzi si Yeso a yangay do kabwan no nihakawan no tao a littan ni Satan.

Locya 4:1

Meysinaoli si Yeso a nimapo do Yotan a ayo am oyatan no Seyzi. So nipalolwan na sya no Seyzi a yangay do kabwan no nihakawan no tao,

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.