Epireeyɛ 4:3 - Nkomine Fal Ritɛlɛ́

³ Tɔ́ mpí tɔ́ɔ nní nɛ nsímɛ́ mmɛ̃ kɛfɑ n tɛnɛ, tɔ̃́ nɛ kɛwéntɛ kɛ̃ kɛ́mɛɛ loninɛ. Uléécɑɑ yɛ kɛkɛcɑ́ɑ́ mɑɑ rɛ: Li kuwɔ́i nɛ́ wɑlɛ ɑm wééri rɛ ɑsei kɛcɑ́ɑ́, ɑ́pi píkɑi kɛwéntɛ kɛ̃ kɑm n yekeilɛ̃ kɛ́mɛɛ loninɛ. Uléécɑɑ pikɛi yɛ kɔ pɛɛ hɑ́i kɛtẽ kɛkorɑɑnɛ-mɛ tɛnɛlɛnlɛ uu kɔ pɛɛ́ nɛ lɛ̃ mɑlɛ.

Epireeyɛ 4:3 Iomraidhean Croise

Mɑtiyee 13:35

Lɛ̃ kɛ ɑntepu uú pɛɛ n wɔ́i likɛ́ nɛ n wɑ nnyɑ. U pɛɛ rɛ: Sinyɑ́rũ kɑm kpísinɛ kɛ́ nɛ n símisi. Nɛ́ sinyɑ́rũ kpísi ɑḿ nɛ lɛ̃ nnɛ́í lɛɛ ḿpɑ́ yo kɛkorɑɑnɛ-mɛ m pékɑɑlɛ̃ yóó.

Mɑtiyee 25:34

Kei kɛ uyɔ́ɔpi uu yɛ́ pɛɛ pɛpɛɛ ukulukɛ-lukɛ-mɛ̃ ń we mɑɑ rɛ: Nɔ́ mpí kɛ Unɛ́sɑ́ɑ Uléécɑɑ uu nní rinkpɑ́, ɑni kɑm ɑni iyɔ́ɔpi kuu hɑ́i kɛtẽ kɛkorɑɑnɛ-mɛ̃ n yekeilɛ̃ un nɛ nɔ́ mɛ̃́ yɔsí.

Efɛɛsi 1:4

Uléécɑɑ ukɛ́ kɛlenɛ ḿpɑ́ yo n wɑ, u rɔ́ wɛ́ɛlɛ uu tɔ́ nɛ Kirisi kupɛ́nɛcɔ kɛ́mɛɛ rɔ́ pɑnsɛsɛ upikɔ́. Kupɛ́nɛcɔ kpɛ̃ kɛ́mɛɛ kuú lɑ rɛ tɔkɛ́ n kpɑ̃́iilɛ̃ ɑ́ri kɑpɛ kɔ uinipɛɛ-i ɑkópɛ ɑ́kɑ m mɑ́. Kuu rɔ́ ń lɑ nnyɑ kuu

Epireeyɛ 3:11

Kei kɑi kuwɔ́i nɛ́ wɑ ɑm wééri rɛ ɑsei kɛcɑ́ɑ́, ɑ́pi píkɑi kɛwéntɛ kɛ̃ kɑm n yekeilɛ̃ kɛ́mɛɛ loninɛ.

Epireeyɛ 3:14

Asei kɛcɑ́ɑ́, in tɛ tɔ nfɑtɛnɛ kɑri hɑ́i kɛ́korɑɑnɛ-mɛ m mɑ́ ńsɔnɛ múílɛ̃ nɛ kɛyɑ́ɑ tɔrɔɔ-pɔ, tɔ́ nɛ Kirisi yɛ pɛɛ lɛ̃ pɛ́nɛlɛnlɛ tɔn nɛ we.

Epireeyɛ 9:26

In pɛɛ lɛ̃ n we, hɑ́i kɛ Uléécɑɑ uú nɛ kɛtẽ nɛ kɛyómɛ n wɑ, li yɛ́ pɛɛ pisɛ rɛ Kirisi ukɛ́ íwɛ li nnɔ́ɔ kulúi. Amɑ́ mɛsɛ kóló kuu nfɑ́ɑni kɛtẽ nkɛ́-i léemɛ, uu umɛcirɛ kpísi uú nɛ mɛcírɛníŋɛ nyɔ́ɔnsɛ uú nɛ ɑkópɛ lesɛ.

1 Piyɛɛ 1:20

Uyɛ̃ kɛ Uléécɑɑ uu hɑ́i mɛkɛɛ-mɛ wɛ́ɛ uu kɛlenɛ ḿpɑ́ yo wɑi rɛ ukɛ́ pisoi ɑyu lɔ. Uu kɔ nkpéni nɔ̃́ nnyɑ siyɑ́ɑ tɔrɔɔ nsí-i u lesɛri rɛ likɛ́ nɔ́ yóriyɛ.