Yudas 1:9 - Jaji ma Su-sungi

⁹ Mada'a kalaha Mikhael mala'ekata ma sae'e masiretene, unanga gena-ge 'o 'a'a so'o gena ua. Wakutu unanga ma'u lawana re 'Iblisi sababu enanga ma'u rabasa 'a Musa 'ai mayeti, Mikhael 'o nau'u ua sijuruhakimi 'Iblisi reo demo sipula'a mara'a. Siḏibo ḏi'i unanga gena-ge pa'i 'o kanau ḇato toma 'Iblisi, “Ma Jou'ongu Madutu masiretene ni ḇangata ngana.”

Yudas 1:9 Iomraidhean Croise

Markus 15:29

Ngowa'a ga'a 'aḏi tola'a i'a toma ngi'i gena-ge, ananga ya elala manga sae'e re 'aḏi je-jengere, “Hei, Ngana nena-ne ga'a no mau siruba Ma Jou'ongu Madutu 'ai Wala re Na simomi'i moju pa'i ma di'ara wangere ro'ange,

1 Tesalonika 4:16

Toma 'orasa gena-ge, mala'ekata ma sae'e unanga ḏuanga i'a 'o kanau 'o siduga-duga re 'o wusu Ma Jou'ongu Madutu 'ai terompet. Enanga gena-ge 'i dadi didina'o mangale Ma Jou masiretene 'O 'uci da'u soroga tala, kara Unanga 'o dadunu si'ahu moju ngowa'a ngaku Yesus ga'a raḏi sengene siḏa.

1 Petrus 3:9

Na'o ngowa'a 'aḏi 'a'a cira ngini, awa ngini balasa 'a'a cira ananga, re na'o ngowa'a 'aḏi do-doana ngini, awa ngini balasa do-doana ananga. Siḏibo ḏi'i, ngini balasu ni golo'o Ma Jou'ongu Madutu 'o sibarakati ananga. Sababu Ma Jou'ongu Madutu 'aro'o ngini, la ngini ni sibarakati ngowa'a lelegu, la ngini ḏi'i ni sanga barakati ra Unanga gena-ge.

2 Petrus 2:11

Mala'ekata-mala'ekata ra Ma Jou'ongu Madutu 'ai biono, remanga kuasa lebe lamo'o i'a reo guru-guru sa-sakala, ananga mai ya'u je-jengere ua 'ori i'a rema kuasa ga'a manusia wa oḏi'i yoḏu'u.

Tingoýi 12:7

Ḏua toma soroga 'i dadi parangi. Mala'ekata Mikhael ga'a mala'ekata ma sae'e rai mala'ekata-mala'ekata, ananga gena-ge 'aḏi parangi naga. Re naga gena-ge rema mala'ekata-mala'ekata ḏi'i, ananga ya'u parangi 'a Mikhael.