Yudas 1:7 - Jaji ma Su-sungi

⁷ Ngini ni 'elingi ḏi'i limau Sodom re Gomora re limau-limau ma sebanga ma manusia. Ananga manga ga'a 'i ma tero sa'olo mala'ekata-mala'ekata gena-ge. Ananga 'aḏi sudala re 'a'a 'ori i'a ma jira tau-taunu singadolo 'aḏi sanga hukumu toma u'u kama sengene ua, la 'aḏi dadi didina'o rimoi di'a ngowa'a ma jira mo-moini.

Yudas 1:7 Iomraidhean Croise

Matias 10:15

Ni ngaku mode-mode'e 'Ari demo-demo nena-ne: Toma Kiamata ma Wangere, ngowa-ngowa'a toma limau gena-ge, ḏuanga i'a 'aḏi sanga hukumu lebe tubuso reo ngowa-ngowa'a toma limau Sodom re Gomora 'ua re 'au wali!”

Matias 11:24

Mada'a, Ngoi to siajele ra ngini nena-ne: toma Kiamata ma Wangere, ngini ngowa'a Yahudi toma limau Kapernaum ḏuanga i'a ni sanga hukumu lebe tubuso reo ngowa'a ma jira toma limau Sodom!”

Matias 25:41

Gena ḏua, Ngoi 'Olana gena-ge to kanau toma ngowa-ngowa'a Tari kuḇali, ‘Ngini ngowa'a ma jira, ni tagi. Ni osama toma u'u ma lejanga ga'a kama sora-sora ua ga'a sidodahe ḏua di'a 'Iblisi re enanga ma mala'ekata-mala'ekata!

Lukas 17:29

Mada'a wangere gena-ge 'i ngadolo 'a Lot 'o supu toma limau Sodom, 'o u'u re walira 'i 'uci da'u diwanga tala singadolo ananga mo-moini 'aḏi sengene.

1 Korintus 6:9

Ngini ni waro bolo ua mangale ngowa-ngowa'a ga'a mete'e ua Ma Jou'ongu Madutu 'ai 'akala ma mau, ananga gena-ge 'aḏi sanga nyo-nyoimi ua ra Ma Jou'ongu Madutu 'ai ngowa-ngowa'a?! Awa ngowa'a nu'u sihaga ngini: Ngowa-ngowa'a ga'a 'aḏi sudala, 'aḏi silamo'o re siḏubuso jou'ongu ma somoara, 'aḏi tinikai, na-nau'u su-sudala, ma'u nakala na-nau'u re na-nau'u, ga'a gena-ge pa'i sipula'a mara'a na-nau'u ḇato,

2 Tesalonika 1:7

'A guna ḇato reni sanga sangisara sababu reni mete'e Unanga, ngini gena-ge ni ma'u mete'e ra ngomi, ni sanga sangisara riwara. Gena-ge 'i dadi wakutu Ma Jou Yesus ḏuanga i'a 'o 'uci da'u soroga tala re 'O masijumu mamete'e Rai mala'ekata-mala'ekata ma kabasarana.

2 Tesalonika 1:8

Unanga ḏuanga i'a 'o 'uci da'u soroga tala Rai u'u leja-lejanga di'a sihukumu 'a guna ḇato 'aḏi nana'o ua Ma Jou'ongu Madutu, bolo mete'e ua Habari Roanga mangale Yesus nanga Jou.

2 Petrus 2:2

Mada'a ngowa'a ngaku Yesus manga repe 'aḏi cuḏuḏu'u guru-guru sa-sakala manga de'oso re ḏegoro ma jira singadolo ngowa'a lelegu ḏuanga i'a 'aḏi je-jengere do-doto'o banari ga'a sigasa ngowa'a ra Ma Jou'ongu Madutu.

2 Petrus 2:6

Ma tero ḏi'i sa'olo limau Sodom re Gomora. Ma Jou'ongu Madutu 'a singi-ngiranga reo u'u, la 'i dadi didina'o toma ngowa'a ma jira mo-moini, mangale na'o ananga 'aḏi oḏu'u mete'e Unanga, ananga Unanga ya'u sihukumu.

2 Petrus 3:7

Mada'a toma 'orasa nange-ne, Ma Jou'ongu Madutu 'o kadiarata diwanga re dungia Rai 'Idini gena-ge singadolo Unanga 'a singi-ngiranga gena-ge reo u'u. 'Orasa nange-ne, diwanga re dungia 'A kadiarata singadolo ma 'orasa ngowa-ngowa'a ga'a 'aḏi lawana Unanga, ananga gena-ge 'aḏi sanga hukumu.