Yudas 1:16 - Jaji ma Su-sungi

¹⁶ Ngowa-ngowa'a gena-ge pa'i tegoro magu-guḏubungu re sisala ngowa'a lelegu. Ananga gena-ge pa'i 'aḏi mete'e manga nyafusu ma jira masiretene ḇato, 'aḏi mahie manga diri re 'aḏi pake demo-demo ma mami di'a 'aḏi sanga ma 'utungu.

Yudas 1:16 Iomraidhean Croise

Lukas 15:2

Ngowa-ngowa'a Farisi re guru-guru 'agama mulaingi 'aḏi kuḏubungu re 'aḏi kanau, “Unanga ne 'o dawongo ngowa-ngowa'a baraḏosa re 'aḏi oromo mamete'e ra Unanga!”

Lukas 19:7

Ngowa'a mo-moini 'aḏi oḏi'i so'o gena, ananga 'aḏi kuḏubungu re 'aḏi kanau, “Cih, Unanga 'o tagi tuḏu toma ngowa'a baraḏosa manga wala!”

Lukas 5:30

Ngowa'a Farisi nga muḏuo i'a re ananga manga guru-guru 'agama ananga 'aḏi sanangi ua. Dadi ananga 'aḏi kanau i'a ra Yesus 'ai me-mete'e, “I'a sa'olo ngini mo-moini ni oromo mamete'e reo ngowa'a golo-golo'o balastengi re ngowa'a baraḏosa?”

Yohanes 6:41

Ḏua ngowa-ngowa'a Yahudi mulaingi 'aḏi kuḏubungu mangale Yesus, sababu Unanga 'o kanau, “Ngoi nena-ne roti ga'a 'uci da'u soroga tala.”

Yohanes 6:61

Yesus masiretene 'a waro 'Ai me-mete'e 'aḏi kuḏubungu mangale 'Ai do-doto'o. Dadi Unanga 'o kanau, “I'a sa'olo ngini porata, Tari demo-demo gena-ge?

1 Korintus 10:10

Awa ngene wo kuḏubungu ma tero sa'olo tamanga sigolona ngowa'a mamuni'a 'aḏi si'a'a so'o gena-ge singadolo mala'ekata ga'a sisengene ngowa'a ya'u sisengene ananga.

Galatia 5:16

Ngoi 'ari maksudu so'o ne: Biara Ma Ngagara 'Ofi-'Ofi 'i sinyanyasele ninga 'ahu, la ni mete'e ua manusia manga nyafusu ma jira.

Galatia 5:24

Ngowa-ngowa'a ga'a raḏi osama nyo-nyoimi ra Kristus Yesus, ananga gena-ge raḏi sisengene manusia manga de'oso re ḏegoro ma jira re manga nyafusu ma jira tamanga 'akala re sinyingara.

Filipi 2:14

Ni si'a'a mo-moini reninga guḏubungu awa, bolo ni ma'u rubutu awa.

1 Tesalonika 4:5

Awa ngini ni mete'e ninga nyafusu ma jira ma tero sa'olo ngowa'a 'aḏi nana'o Ma Jou'ongu Madutu ua.

1 Timotius 6:5

re ma'u sangoro kama ḏo-ḏogumu ua. Ngowa-ngowa'a gena-ge manga fikirana ri tupunu di'a do-doto'o banari dadi mafikiri 'i banari riwara. Ananga gena-ge 'aḏi ta'ajiri na'o mete'e 'agama 'aḏi dadi ngowa'a rema-enanga.

2 Timotius 4:3

Sababu ḏuanga i'a enanga ma 'orasa 'i ngadolo, ngowa'a 'aḏi dawongo riwara do-doto'o banari. Ananga 'aḏi mete'e manga nyafusu masiretene. Sababu gena-ge, ananga 'aḏi lomu guru-guru manga repe, la sidoto'o do-doto'o ga'a 'aḏi 'isene lai rousu.

1 Petrus 1:14

Sa'olo Ma Jou'ongu Madutu 'ai ngowa-ngowa'a, ngini ninga 'ahu balasu mete'e Unanga 'ai mau. Wakutu ngini nana'o nyangu Ma Jou'ongu Madutu, ninga nyafusu ma jira lai repe, mada'a nange-ne ngini ni sieanga ḏua. Awa nyafusu-nyafusu ma jira gena-ge 'i parenta ninga 'ahu moju.

1 Petrus 2:11

Ioronongoḏu ngo-ngaku rimoi ga'a ngoi tunu dadalara! Ngini reni waro mangale ngini ma tero sa'olo ngowa'a tagi-tagi ino re ni tegoro nena re si'a ua toma dungia nena-ne. Sababu gena-ge, Ngoi to golo'o mode-mode'e ra ngini, awa ngini ni madaga'a 'oru ḇato 'i mete'e ninga nyafusu ma jira. Sababu nyafusu gena-ge 'i ma'u lawana reninga nyawa.

1 Petrus 4:2

Sababu gena-ge, ngini ni 'ahu-'ahu moju toma dungia, balasu ni mete'e Ma Jou'ongu Madutu 'ai 'akala ma mau re awa ni mete'e manusia manga nyafusu.

2 Petrus 2:10

Unanga 'ai hukumu ḏuanga i'a 'i lebe ḏubuso di'a ananga ga'a 'aḏi mete'e manga 'akala re sinyingara ma jira: 'aḏi su-sudala re 'aḏi je-jengere Ma Jou'ongu Madutu 'ai kuasa. Ngowa'a gena-ge, guru-guru sa-sakala, 'aḏi mojongo ua re 'aḏi momole singadolo ananga kamanga mojongo ua di'a 'aḏi je-jengere 'ori i'a rema kuasa ga'a manusia wa oḏi'i yoḏu'u.

2 Petrus 2:18

Ananga 'aḏi matoro na'o 'aḏi kanau. Momongolo ua, ananga manga demo 'i parasaja. Guru-guru sa-sakala gena-ge remanga demo 'aḏi baja ngowa'a ga'a 'aḏi aro sieanga 'aḏi mete'e ngowa'a manga de'oso re ḏegoro ma jira. Ananga 'aḏi baja ngowa'a gena-ge reo manusia manga 'ulungu ma cafarune, la 'aḏi maḏibo mete'e de'oso re ḏegoro ma siḏa moju!

2 Petrus 3:3

Ma siḏa-siḏa, ngini balasu na sahe mangale Kiamata ma Wangere. Wakutu wangere gena-ge ri co-cori, ngowa'a ga'a manga 'ahu romanga reo dungia ma nyafusu 'aḏi sapolo. Ananga ḏuanga i'a 'aḏi je-jengere ngini.

Yudas 1:15

di'a sijuruhakimi ngowa'a mo-moini. Unanga ḏuanga i'a 'o sihukumu ngowa-ngowa'a ga'a sito-to'u Unanga mete'e manga ga'a kajahatana. Re Unanga ḏi'i 'o sihukumu ngowa'a baraḏosa ga'a 'U sito-to'u Unanga sababu manga demo-demo ga'a 'aḏi sipula'a mara'a Unanga.”

Yudas 1:18

Ananga reya siajele ra ngini, “Na'o co-cori 'orasa ma ḏo-ḏogumu, ngowa-ngowa'a 'aḏi sapolo sije-jengere ninga ngo-ngaku. Ngowa'a gena-ge manga 'ahu pa'i mete'e manga nyafusu ma jira masiretene.”