Yohanes 9:7 - Jaji ma Su-sungi

⁷ Re Unanga 'o kanau i'a toma ngowa'a hafu gena-ge, “No tagi re no maloca'a toma ḇanyo Siloam” (Siloam ma ngale: Sanga 'utusu). Dadi unanga 'o tagi 'o maloca'a. Wakutu unanga 'o maḏibo ino, unanga nyengara 'o oḏi'i.

Yohanes 9:7 Iomraidhean Croise

Matias 11:5

Ngowa'a hafu 'aḏi oḏi'i, ngowa'a ḇolo 'aḏi tagi, ngowa'a si-siḏi 'eno'o 'aḏi la, ngowa'a popongolo 'aḏi 'isene, ngowa'a raḏi sengene, dadunu 'aḏi 'ahu moju, re Habari Roanga ra Ma Jou'ongu Madutu ino Ngoi ta singadolo toma ngowa-ngowa'a ma dinga'unu ua.

Lukas 13:4

Tantu ḏua, ngini ni 'elingi moju 'age rema ngowa'a nga nyagi moi re nga tu'angere 'aḏi sengene toma Siloam sababu wala kau'u 'i ru'ata ya'u be-be'ara. Ngini ni ta'ajiri ananga gena-ge manga ḏosa lebe lamo'o i'a reo ngowa'a lelegu mo-moini ga'a 'aḏi tegoro toma limau Yerusalem?

Lukas 2:32

Salamata ma Cimi gena-ge sa'olo tarangi rimoi ga'a sitarangi ngo'omo di'a ngowa'a Yahudi ua, la ananga nga'unu 'aḏi sapolo ra Ma Jou'ongu Madutu. Tarangi gena-ge 'i gasa lomanga gau'u toma ngowa'a Israel, 'Ani ngowa-ngowa'a.”

Yohanes 10:36

Momongolo ua, Ngoi nena-ne, Ma Jou'ongu Madutu masiretene 'o siwola i'a Ngoi re Unanga 'o 'utusu Ngoi di'a to sapolo toma dungia nena-ne. Dadi, i'a sa'olo ngini kanau Ngoi to si'u'u ua Ma Jou'ongu Madutu, sababu Ngoi to kanau, ‘Ngoi Ma Jou'ongu Madutu 'ai Ngowa'a Nau'u’?!

Yohanes 11:37

Mada'a mamuni'a tamanga sigolona 'age 'aḏi kanau, “Ngowa'a hafu matengo, Unanga 'o si-la. I'a sa'olo Unanga 'o si-la 'a Lazarus ua, la 'o sengene awa?”

Yohanes 9:11

Unanga 'o sangoro, “Ngowa'a matengo ga'a 'ai lomanga Yesus, Unanga 'o 'a'a pece, 'A siḇiasa tari la'o re 'O kanau ra ngoi, ‘No tagi re no maloca'a toma ḇanyo Siloam.’ Ngoi to tagi re to maloca'a. Gena ḏua, ngoi nyengara to oḏi'i.”

Yohanes 9:39

Yesus 'o kanau, “Ngoi to sapolo di'a To sijuruhakimi dungia nena-ne, la ngowa'a ga'a 'aḏi hafu nga'unu 'aḏi oḏi'i, re ngowa'a ga'a raḏi oḏi'i 'aḏi dadi hafu!”

Yesus 'ai so-soma'a 26:18

di'a na siwelanga manga la'o, la 'aḏi supu toma hafu-hafu re 'aḏi osama toma tarangi ma dara re silalo'o ananga toma 'Iblisi ma pareta re 'aḏi osama nyo-nyoimi ra Ma Jou'ongu Madutu 'ai Pareta, la Unanga 'a singi-ngiranga manga ḏosa-ḏosa re 'aḏi dadi 'Ai 'umata ga'a Unanga 'o cumutu ḏua sababu ananga 'aḏi ngaku Ngoi.’ ”

Roma 8:3

Musa 'ai hukumu 'i sibebasa ngene yoḏu'u toma ḏosa ma kuasa; sababu manusia wo lamahana woḏi di'a mete'e ti-tiai hukumu gena-ge. Mada'a Ma Jou'ongu Madutu nyengara 'o sibebasa ngene toma ḏosa ma kuasa gena-ge: Unanga 'o 'utusu 'Ai Ngowa'a Nau'u di'a dadi jou-jou rimoi, la 'O tuusu ngene tananga ḏosa. Unanga gena-ge 'o sapolo toma dungia nena-ne ma tero sa'olo manusia, mada'a Unanga 'o 'a'a ḏosa ua.

Galatia 4:4

Mada'a wakutu ma 'orasa ri ngadolo, ga'a Ma Jou'ongu Madutu ro sitantukanga pasala ḏua, Unanga 'o siḏingoto 'ai Ngowa'a Nau'u sapolo toma dungia. Re we-were'a matengo mu sibuoro Unanga. Sababu gena-ge sa'olo ngowa'a Yahudi, Unanga balasu 'o ta'aloko ra Musa 'ai hukumu.