Yohanes 9:16 - Jaji ma Su-sungi

¹⁶ Ngowa'a Farisi nga muḏuo i'a 'aḏi kanau, “Unanga gena-ge 'ai 'asala ua ra Ma Jou'ongu Madutu tala, sababu 'o silamo'o ua Sabata ma wangere.” Mada'a ngowa'a Farisi ma lelegu ḏi'i 'aḏi kanau, “Tantu ḏua, ngowa'a baraḏosa 'a nga'unu ua 'o 'a'a didina'o heranga so'o gena-ge?” Gena ḏua, ananga mulaingi 'aḏi ma'u tolabe i'a re ino.

Yohanes 9:16 Iomraidhean Croise

Matias 12:10

Toma wala puji gena-ge ma dara 'age rema ngowa'a matengo 'ai giama kaci moi 'i sengene. 'Age ḏi'i rema ngowa'a nga muḏuo i'a 'aḏi disa-disa Yesus 'ai sala. Dadi ananga 'aḏi sano ra Yesus, “Nyengara bolo ua, si-la ngowa'a siḏi toma Sabata ma wangere?”

Matias 12:2

Wakutu ngowa-ngowa'a Farisi ya'u oḏi'i, ananga 'aḏi kanau ra Yesus, “Oḏi'i, 'Ani me-mete'e ananga ya mete'e ua nanga 'agama ma 'atoranga toma Sabata ma wangere!”

Lukas 13:14

Wala puji ma sae'e 'o ruta, sababu Yesus 'o si-la ngowa'a siḏi toma Sabata ma wangere. Dadi unanga 'o kanau toma ngowa-ngowa'a, “ 'Age toma wangere rarama ma dara di'a ni munara, dadi sapolo toma wangere-wangere gena-ge di'a ni si-la; awa toma Sabata ma wangere!”

Yohanes 10:19

Sababu Yesus 'o kanau so'o gena-ge, ngowa-ngowa'a Yahudi dadunu 'aḏi ma'u tolabe moju matengo re matengo.

Yohanes 14:11

Ngaku Ngoi nena-ne: Ngoi to marimoi Tari Ḇaḇa re 'ari Ḇaḇa 'o marimoi ra Ngoi. Bolo ni ngaku Ngoi sababu reni oḏi'i 'Ari ga'a hera-heranga ga'a Ngoi ta 'a'a!

Yohanes 15:24

Na'o Ngoi to 'a'a ua ga'a hera-heranga tamanga sigolona ga'a matengo i'a mai ua 'o si'a'a yoḏu'u, ananga kamanga sala ua, sababu kamanga donga ua di'a 'aḏi oḏi'i 'Ari ga'a hera-heranga re 'aḏi ngaku Ngoi. Mada'a nange-ne, ananga gena-ge raḏi oḏi'i 'Ari ga'a hera-heranga gena-ge, mada'a ananga raḏi emono Ngoi re raḏi emono 'Ari Ḇaḇa ḏi'i.

Yohanes 2:11

Gena-ge Yesus 'ai didina'o heranga ma mulaingi re 'O 'a'a toma limau Kana, daeraha Galilea. Tai didina'o heranga gena-ge Unanga 'a sijumu 'Ai kuasa, dadi Unanga 'ai me-mete'e ananga 'aḏi ngaku Unanga.

Yohanes 3:2

Toma utu moi 'o sapolo ra Yesus re 'o kanau, “Rabi, ngoi to waro Jou guru ga'a Ma Jou'ongu Madutu 'U 'utusu. Sababu matengo i'a mai ua nga'unu 'o 'a'a ga'a hera-heranga ma tero sa'olo Jou, na'o Ma Jou'ongu Madutu 'o mamete'e ra unanga ua.”

Yohanes 5:10

Sababu gena-ge, ngowa'a Yahudi manga bi-biri'i 'aḏi kanau i'a toma ngowa'a ga'a ro la gena-ge, “Wangere nange-ne Sabata ma wangere re Musa 'ai hukumu 'i wosono ngana na gasa 'ani jungutu toma wangere nena-ne!”

Yohanes 5:36

Mada'a 'age sakisi ga'a lebe lamo'o i'a rea Yohanes. Gena-ge 'Ari munara ga'a Ngoi ta si'a'a nange-ne re 'Ari Ḇaḇa ro sipula'a munara gena-ge ra Ngoi di'a Ta siḏuanga. Munara gena-ge masiretene 'i pula'a sakisi mangale 'Ari Ḇaḇa Ro 'utusu Ngoi.

Yohanes 6:52

Wakutu ngowa'a Yahudi ya 'isene i'a Yesus 'ai demo-demo gena-ge, ananga 'aḏi ma'u rubutu matengo re matengo. Ananga 'aḏi kanau, “Ma duhu sa'olo ngowa'a nena-ne 'o pula'a 'ai lese di'a ngene wa oromo?!”

Yohanes 7:12

Toma laya gena-ge ma dara, ngowa'a repe 'aḏi ma'u jujuḏu mangale Unanga. Mamuni'a 'aḏi kanau, “Unanga ngowa'a la-la.” Mada'a mamuni'a ḏi'i 'aḏi kanau, “Ua, Unanga 'o sihaga ngowa'a repe.”

Yohanes 7:23

Na'o ngini 'a'a so'o gena-ge, la ni sito'u awa 'a Musa 'ai hukumu mangale suna, i'a sa'olo ngini ni duruta Ngoi, sababu to si-la ngowa'a toma Sabata ma Wangere, la 'ai lese mo-moini enanga 'i la?

Yohanes 7:43

Dadi ananga 'aḏi ma'u lawana mangale Yesus.

Yohanes 9:24

Ḏua ngowa'a Farisi dadunu 'aḏi 'aro'o moju ngowa'a hafu gena-ge re 'aḏi kanau ra unanga, “Ngana balasu no masisasi mangale no kanau 'ori i'a ga'a banari. Ngomi mi waro Unanga gena-ge ngowa'a baraḏosa.”

Yesus 'ai so-soma'a 14:4

Mada'a ngowa-ngowa'a toma limau gena-ge 'aḏi ma'u tolabe matengo re matengo: 'Age 'aḏi marimoi toma ngowa'a Yahudi re 'age 'aḏi marimoi ra Yesus 'ai so-soma'a.