Yohanes 8:51 - Jaji ma Su-sungi

⁵¹ Ni ngaku mode-mode'e 'Ari demo-demo nena-ne: 'A guna ḇato ga'a 'o mete'e 'Ari demo, unanga kama sengene ua mada'a 'o 'ahu kasingado-ngadolo i'a.”

Yohanes 8:51 Iomraidhean Croise

Matias 16:28

Ni ngaku mode-mode'e 'Ari demo-demo nena-ne: Taninga sigolona 'age rema ngowa'a ga'a 'aḏi 'ahu-'ahu moju re 'aḏi oḏi'i Ngoi, Manusia ma Ngowa'a Nau'u to sapolo sa'olo 'Olana.”

Lukas 2:26

Ma Ngagara 'Ofi-'Ofi gena-ge 'i siajele ra unanga pasala ḏua mangale na'o unanga 'o oḏi'i 'O Kristus nyangu, Unanga gena-ge ga'a Ma Jou'ongu Madutu 'o sijaji 'ua re 'au wali, unanga 'o sengene nyangu.

Yohanes 14:23

Yesus 'o sangoro, “Na'o 'a guna ḇato 'o dadalara Ngoi, unanga 'a mete'e 'Ari do-doto'o. 'Ari Ḇaḇa ḏuanga i'a 'o dadalara unanga. Re 'Ari Ḇaḇa re Ngoi, ngomi mi sapolo ra unanga remi tegoro marimoi ra unanga.

Yohanes 15:20

'Elingi 'oru ga'a Ngoi reto kanau ḏua ra ngini: Budaka 'o lebe la-lamo'o i'a ua reo tuanga. Ngowa'a raḏi sisikisa Ngoi ḏua, ananga ḏuanga i'a 'aḏi sisikisa ngini ḏi'i. Na'o ananga ya mete'e 'Ari do-doto'o, tantu ḏua ananga ḏuanga i'a ya mete'e ḏi'i ngini ninga do-doto'o.

Yohanes 17:6

“Baba, ngowa'a mo-moini toma dungia nena-ne ga'a Baba reno pula'a ra Ngoi, Ngoi ta siajele ra ananga gena-ge mangale Baba, la 'aḏi nana'o Baba. Ananga gena-ge 'Ani 'umata ga'a reno pula'a ra Ngoi, re raḏi mete'e 'Ani 'Idini.

Yohanes 5:24

Ni ngaku mode-mode'e 'Ari demo-demo nena-ne: 'A guna ga'a 'a totoho mode-mode'e 'Ari demo-demo gena-ge re 'o ngaku Unanga ga'a Ro 'utusu Ngoi, unanga gena-ge 'o sanga hukumu ua mada'a 'o sanga 'ahu kasingado-ngadolo i'a. Unanga gena-ge ro malage toma ngowa'a senge-sengene ma ngi'i re ro sanga 'ahu kasingado-ngadolo i'a.

Yohanes 6:50

Mada'a roti ga'a 'i 'uci da'u soroga tala so'o gena-ge ua. Ngowa'a ga'a oromo roti gena-ge ananga ḏuanga i'a 'aḏi sengene ua.

Yohanes 8:12

Ḏua Yesus 'o kanau moju toma ngowa'a repe so'o ne: “Ngoi nena-ne dungia ma tarangi, ngowa'a ga'a mete'e Ngoi ananga 'aḏi 'ahu toma hafu-hafu ma dara ua, mada'a ananga gena-ge 'aḏi sanga tarangi, la ananga nyengara 'aḏi 'ahu toma tarangi ma dara.”

Yohanes 8:52

Ḏua ngowa'a Yahudi 'aḏi kanau ra Yesus, “Nange-ne ngomi ma waro ngana ne roh ma jira ni dungosama. Abraham masiretene ro sengene so'o gena-ge ḏi'i nabi-nabi mo-moini raḏi sengene. Dadi i'a sa'olo No kanau, ‘Na'o 'a guna ḇato 'o mete'e 'Ani demo, unanga kama sengene ua?’

Yohanes 8:55

Kalaha ngini ni nana'o Unanga gena-ge ua, Ngoi tu nana'o. Na'o Ngoi to kanau Tu nana'o Unanga ua, Ngoi to dadi ngowa'a sa-sakala ma tero sa'olo ngini. Mada'a Ngoi tu nana'o Unanga re To mete'e 'Ai demo-demo.

'Ibrani 11:5

Sababu Henok 'ai ngo-ngaku, unanga 'o sengene ua. Siḏibo ḏi'i Ma Jou'ongu Madutu 'u tede re 'u gasa ra Unanga masiretene. Matengo i'a mai ua sanga unanga sababu Ma Jou'ongu Madutu ro tede unanga toma soroga. Toma Boku 'Ofi-'Ofi 'i silefo so'o ne: Wakutu Ma Jou'ongu Madutu 'o tede Henok toma soroga nyangu, unanga ro sisanangi Ma Jou'ongu Madutu.

'Ibrani 2:9

Mada'a ngene wo oḏi'i Yesus: Ma Jou'ongu Madutu 'o sidadi mala'ekata pa'i lebe la-lamo'o ceka'a i'a ḇato reo Unanga wakutu 'O 'ahu toma dungia nena-ne. Mada'a 'orasa nange-ne, ngene wo oḏi'i Unanga ro sanga ḏe-ḏegoro lebe kau'u ga'a 'i mulia re Ma Jou'ongu Madutu 'U silamo'o sa'olo 'olana. Sababu Unanga 'a basono sangisara ḏua singadolo sengene di'a manusia mo-moini, gena-ge mete'e Ma Jou'ongu Madutu 'ai mura re dadalara.