Yohanes 8:44 - Jaji ma Su-sungi

⁴⁴ Ngini ninga ḇaḇa 'Iblisi, re ngini mau ni mete'e 'Iblisi ma mau. Toma ma mulaingi singadolo nange-ne, 'Iblisi 'i mau sisengene ngowa'a. Soi moi nyangu 'Iblisi 'i kanau 'oru ga'a 'i banari. Sababu ba-banari 'i tegoro ua toma 'Iblisi. Wakutu enanga 'i kanau sa-sakala, gena-ge biasa ḏua, sababu enanga sa-sakala re sa-sakala mo-moini ma cimi.

Yohanes 8:44 Iomraidhean Croise

Matias 12:34

Ngini, ngowa'a ma jira! Sanga ua ninga demo re ganau enanga 'i la-la, sababu ngini ni cira. Sababu 'oru ga'a 'i supu toma madanga, enanga gena-ge ma 'asala toma 'akala re sinyingara ma dara.

Matias 13:15

Sababu bangsa nena-ne manga 'akala re sinyingara lai te'e, manga ngau'u ri popongolo, re manga la'o ri ruutu. Gena-ge 'i dadi, la remanga la'o ya oḏi'i ua, remanga ngau'u ya 'isene ua, re ananga manga 'akala re sinyingara ya sahe ua. Dadi awa ananga 'aḏi ḏibo ra Ngoi, la 'aḏi dawongo 'Ari salamata.’ ”

Matias 13:38

Guḏa gena-ge dungia nena-ne. Gisisi ma la-la gena-ge Ma Jou'ongu Madutu 'ai ngowa-ngowa'a. 'Usumu gena-ge 'Iblisi ma ngowa-ngowa'a.

Yohanes 6:70

Yesus 'a sangoro, “Ngoi masiretene to cumutu ngini nga nyagi moi re nga muḏiḏi nena-ne. Mada'a 'age rema ngowa'a matengo taninga sigolona unanga ma tero sa'olo 'Iblisi!”

Yohanes 7:17

'A guna ḇato ga'a mau mete'e Ma Jou'ongu Madutu 'ai 'akala ma mau, ananga gena-ge ḏuanga i'a ya disa waro 'oru ga'a Ngoi to doto'o ma 'asala ra Ma Jou'ongu Madutu bolo ra Ngoi masiretene.

Yohanes 8:38

'Oru ga'a Ngoi ta oḏi'i Tari Ḇaḇa, gena-ge ta siajele ra ngini, mada'a ngini ni 'a'a 'oru ga'a ninga ḇaḇa nu doto'o.”

Yohanes 8:41

Ngini ni 'a'a mete'e 'oru ga'a ninga ḇaḇa masiretene 'a 'a'a.” Ananga ya sangoro, “Ngomi ngowa'a haram ua, ngomi minga Ḇaḇa pa'i matengo ḇato, gena-ge Ma Jou'ongu Madutu masiretene.”

Yohanes 8:55

Kalaha ngini ni nana'o Unanga gena-ge ua, Ngoi tu nana'o. Na'o Ngoi to kanau Tu nana'o Unanga ua, Ngoi to dadi ngowa'a sa-sakala ma tero sa'olo ngini. Mada'a Ngoi tu nana'o Unanga re To mete'e 'Ai demo-demo.

Yesus 'ai so-soma'a 13:10

Ḏua 'o kanau, “Hai, ngowa'a ga'a sihaga ngowa'a, 'o 'Iblisi ma so-soma'a. I'a sa'olo na lawana 'ori i'a ma la-la! I'a sa'olo, no matogumu ua no dola'aku Ma Jou'ongu Madutu 'ai maksudu di'a sisalamata ngowa'a!

Yesus 'ai so-soma'a 24:9

Re ngowa'a Yahudi toma ngi'i gena-ge, ananga ḏi'i mete'e 'aḏi bitungu 'a Paulus re ya sibanari 'a Tertulus 'ai da'awa.

Yesus 'ai so-soma'a 5:3

Ḏua 'a Petrus 'o kanau ra unanga gena-ge, “Ananias, i'a sa'olo ngana na sieanga i'a 'ani 'akala re sinyingara 'o 'Iblisi ya parenta? Wakutu ngana no masigo-gogoro na tahana tana'a ma ijana kaci moi di'a ngana, ngana no sa-sakala Ma Ngagara 'Ofi-'Ofi!

2 Korintus 11:3

Mada'a ngoi to dodato ninga fikirana ri sanga sihaga singadolo ngini ni cufala riwara mete'e ra Kristus. Gena-ge ma tero sa'olo 'ua re 'au wali, ngo Hawa mo sanga sihaga toma 'Iblisi ga'a 'i matuhu sa'olo ngorana.

1 Petrus 5:8

Ni ma'istiari re ni ḏu-ḏuanga ḏua tau-taunu di'a ni talaḏi 'oru ḇato ga'a ḏuanga i'a 'i dadi. Sababu 'Iblisi ga'a ninga lawana 'i koloḏi i'a re ino, di'a 'i sijira ninga ngo-ngaku 'i ma tero sa'olo singa 'i maboa-boa'a disa ma ngo-ngoromo.

2 Petrus 2:4

'Ua re 'au wali moju Ma Jou'ongu Madutu 'o singi-ngiranga ua 'Ai hukumu di'a mala'ekata-mala'ekata, wakutu ananga 'aḏi 'a'a ḏosa. Mada'a ya'u siupa'a ananga toma naraka ma dara re ya'u sigae ananga toma aḏu'u ga'a lai hafu. Toma ngi'i gena-ge ananga 'aḏi totoma singadolo ma wangere 'i ngadolo, wakutu Ma Jou'ongu Madutu 'o sijuruhakimi ngowa-ngowa'a.

1 Yohanes 1:8

Na'o ngene wo kanau mangale ngene nanga ḏosa 'i cua, gena-ge wa sihaga nanga diri masiretene, re nanga de'oso re ḏegoro wa mete'e riwara Ma Jou'ongu Madutu 'ai do-doto'o banari.

1 Yohanes 2:21

Sababu gena-ge, awa ngini ni fikiri mangale ngoi to lefo so'o gena-ge ra ngini sababu ngini ni nana'o nyangu do-doto'o banari. So'o gena-ge ua! Siḏibo ḏi'i sababu ngini na waro ḏua mangale do-doto'o gena-ge re ngini ni waro ḏi'i mangale do-doto'o 'i banari, gena-ge 'i sa-sakala ua.

1 Yohanes 2:4

'Age rema ngowa'a matengo ga'a 'o kanau, “Ngoi to nana'o Ma Jou'ongu Madutu” mada'a ta mete'e ua Unanga 'ai parenta, unanga gena-ge ngowa'a sa-sakala, re 'ai 'akala re sinyingara 'a mete'e riwara Ma Jou'ongu Madutu 'ai do-doto'o banari.

1 Yohanes 3:12

Awa ngene ma tero sa'olo 'a Kain 'o dadi 'Iblisi ma ngowa'a re 'a sisengene 'ai nongoḏu masiretene. I'a sa'olo unanga gena-ge 'o sisengene 'ai nongoḏu?! Sababu 'ai de'oso re ḏegoro gena-ge 'i cira mada'a ma nongoḏu 'ai de'oso re ḏegoro 'i loasa re banari.

1 Yohanes 3:15

Ngowa'a ga'a 'aḏi dadalara ua manga ioronongoḏu ngo-ngaku rimoi, ananga gena-ge ma tero sa'olo ngowa'a ga'a 'aḏi sisengene ngowa'a. Re ngini na waro ḏi'i mangale na'o matengo 'o sisengene ngowa'a, unanga gena-ge 'o sanga ua 'ahu kasingado-ngadolo i'a.

Yudas 1:6

Ngini ni 'elingi ḏi'i mangale 'ua re 'au wali moju mala'ekata ga'a sito'u-to'u ananga manga kuasa, re tagi sisoi'i tala ananga manga ngi'i, Ma Jou'ongu Madutu 'a piri'u mala'ekata-mala'ekata gena-ge reo rate ga'a kama tola'a riwara, re ya'u singosama toma ngi'i hafu-hafu. Toma ngi'i gena-ge ananga gena-ge 'aḏi totoma singadolo ma wangere ma 'orasa 'i ngadolo wakutu Ma Jou'ongu Madutu singe-ngeta'a hukumu.

Tingoýi 12:9

Naga lamo'o re ma mala'ekata-mala'ekata gena-ge siupa'a toma dungia. Naga gena-ge 'o ngorana ma biri'i, ma lomanga 'Iblisi bolo Roh ma Jira ma 'Olanaga'a 'i sihaga ngowa'a toma dungia.

Tingoýi 13:14

Dadi toma haiwani ma mulaingi ma biono, haiwani ma nyo-nyoimi romoḏiḏi gena-ge 'i pake kuasa ga'a 'i sanga toma haiwani ma mulaingi di'a 'a'a didina'o-didina'o heranga. Dadi haiwani ma nyo-nyoimi romoḏiḏi nyengara 'i sihaga ngowa'a mo-moini toma dungia sitabi donga. Enanga 'i soma'a ngowa'a 'aḏi 'a'a dulada, la ananga 'aḏi silamo'o re siḏubuso haiwani ma mulaingi. Dulada gena-ge ma duhu sa'olo haiwani ma mulaingi ga'a rema nyaboto lai lamo'o rema samaranga, mada'a 'i 'ahu moju.

Tingoýi 2:10

Ni mojongo awa, na'o ti'ara riwara ni sanga susa re sangisara. Ngoi to siajele ra ngini, mamuni'a ḏuanga i'a 'Iblisi singosama ngini toma bui di'a ni sanga tai'i. Re ngini gena-ge ḏuanga i'a sanga sikisa ma di'ara wangere nyagi moi. Mada'a ngini balasu ni macako'o namo-namoto ra Ngoi singadolo ni sengene, kara Ngoi to pula'a 'ahu kasingado-ngadolo i'a ra ngini sa'olo ngogele rimoi.

Tingoýi 21:8

Mada'a ngowa'a ga'a manga ngo-ngaku taḇe i'a, ngowa'a 'aḏi ngaku ua, ngowa-ngowa'a ga'a madiga'a jira, ngowa-ngowa'a ga'a sisengene ngowa'a, ngowa'a su-sudala, ngowa'a ga'a 'a'a sarati, ngowa'a ga'a 'aḏi silamo'o re siḏubuso jou'ongu ma somoara, ngowa'a sa-sakala, ananga mo-moini gena-ge ḏuanga i'a 'aḏi siupa'a toma ngoloto u'u ga'a walira leja-lejanga. Gena-ge ma ngale: Ananga 'aḏi basono sengene ma soi ḏiḏi.”

Tingoýi 22:15

Mada'a ngowa-ngowa'a ga'a madiga'a 'ori i'a ma jira: Ananga ga'a 'aḏi 'a'a sarati, 'aḏi su-sudala, 'aḏi sisengene ngowa'a, 'aḏi silamo'o re siḏubuso jou'ongu ma somoara, ngowa'a sa-sakala, bae tamanga demo re ganau bolo tamanga de'oso re ḏegoro; ananga mo-moini gena-ge manga ngi'i toma limau ma ḏuḏunu.

Tingoýi 9:11

Enanga gena-ge rema 'olana ga'a 'a parenta. 'Olana gena-ge mala'ekata ga'a gu-gu'u kuci di'a ngabanga maut ma da-damunu. Ma lomanga toma demo 'Ibrani Abadon, toma demo Yunani Apolion. (enanga ma ngale: “Ngowa'a ga'a sijira”)