Yohanes 8:12 - Jaji ma Su-sungi

¹² Ḏua Yesus 'o kanau moju toma ngowa'a repe so'o ne: “Ngoi nena-ne dungia ma tarangi, ngowa'a ga'a mete'e Ngoi ananga 'aḏi 'ahu toma hafu-hafu ma dara ua, mada'a ananga gena-ge 'aḏi sanga tarangi, la ananga nyengara 'aḏi 'ahu toma tarangi ma dara.”

Yohanes 8:12 Iomraidhean Croise

Matias 5:14

Ngini ga'a mete'e Ngoi, ngini ma tero sa'olo tarangi di'a dungia nena-ne. Sanga ua, limau toma sau ma tubu, ngowa'a ya oḏi'i ua!

Lukas 2:32

Salamata ma Cimi gena-ge sa'olo tarangi rimoi ga'a sitarangi ngo'omo di'a ngowa'a Yahudi ua, la ananga nga'unu 'aḏi sapolo ra Ma Jou'ongu Madutu. Tarangi gena-ge 'i gasa lomanga gau'u toma ngowa'a Israel, 'Ani ngowa-ngowa'a.”

Yohanes 12:35

Yesus 'a sangoro, “Tarangi gena-ge 'i tegoro ra ngini ti'ara ua. Dadi ngini balasu ni mete'e tarangi gena-ge, sababu awa-awa ngini ni osama toma hafu-hafu. Ngowa'a ga'a tagi toma hafu-hafu 'aḏi waro ngo'omo ua.

Yohanes 12:36

Na'o tarangi gena-ge rema enanga moju ra ngini, ngini balasu ni ngaku tarangi gena-ge, la ni dadi ngowa-ngowa'a ga'a 'ahu toma tarangi gena-ge ma dara.” Wakutu Yesus 'o kanau ra ananga togumu i'a, Unanga masiretene 'o masijumu riwara toma mandan.

Yohanes 12:46

Ngoi to sapolo toma dungia nena-ne to gasa tarangi, la ngowa'a ga'a 'aḏi ngaku Ngoi, ananga gena-ge 'aḏi 'ahu toma hafu-hafu ma dara riwara.

Yohanes 14:6

Yesus 'o sangoro, “Ngoi nena-ne ngo'omo di'a ni sapolo ra Tari Ḇaḇa. Ngoi nena-ne to sijumu 'oru ga'a 'i banari mangale 'Ari Ḇaḇa. Re ḏi'i Ngoi nena-ne to pula'a 'ahu kasingado-ngadolo i'a. Pa'i Ngoi nena-ne ḇato to dadi ngo'omo ga'a sigasa ngowa'a Tari Ḇaḇa.

Yohanes 3:19

Yesus ro sapolo 'o gasa tarangi toma dungia nena-ne, mada'a manusia lebe sanangi hafu-hafu reo tarangi, sababu ananga manga ga'a ma jira. Sababu gena-ge, Ma Jou'ongu Madutu 'o sijuruhakimi manusia

Yohanes 7:17

'A guna ḇato ga'a mau mete'e Ma Jou'ongu Madutu 'ai 'akala ma mau, ananga gena-ge ḏuanga i'a ya disa waro 'oru ga'a Ngoi to doto'o ma 'asala ra Ma Jou'ongu Madutu bolo ra Ngoi masiretene.

Yohanes 9:5

Wakutu Ngoi to 'ahu moju toma dungia nena-ne, Ngoi nena-ne dungia ma tarangi.”

Yesus 'ai so-soma'a 13:47

Sababu Ma Jou'ongu Madutu 'o soma'a ngomi re Unanga 'o kanau: ‘Ngoi ta sitatapu pasala ḏua, ngana balasu no dadi ma tero sa'olo lapuru ma tarangi di'a ngowa-ngowa'a Yahudi ua, la ananga toma dungia sitabi donga ḏuanga i'a sanga 'ahu kasingado-ngadolo i'a.’ ”

Yesus 'ai so-soma'a 26:23

'O Kristus ga'a Ma Jou'ongu Madutu 'a sijaji pasala ḏua, Unanga balasu 'a basono sangisara. Ḏua Unanga gena-ge 'O dadi ngowa'a ma mulaingi ga'a dadunu 'O 'ahu moju toma ngowa'a senge-sengene manga sigolona, la Unanga gena-ge 'o singadolo habari ma tero sa'olo tarangi toma ngowa'a mo-moini: bae ngowa'a Yahudi bae ngowa'a Yahudi ua.”

2 Petrus 2:17

Guru-guru sa-sakala gena-ge 'aḏi aje na'o ngowa'a ya'u mete'e ananga sanga 'utungu; mada'a ananga sanga 'utungu ceka'a i'a mai ua. Ananga gena-ge ma tero sa'olo ḇanyo ma la'o, mada'a 'i dudungu re ma tero sa'olo kakamo masihafu tala 'o rato ya wusu mada'a besa'a 'i dadi ua. Dadi Ma Jou'ongu Madutu ra sidodahe ḏua toma ngi'i hafu-hafu madutu di'a ananga.

2 Petrus 2:4

'Ua re 'au wali moju Ma Jou'ongu Madutu 'o singi-ngiranga ua 'Ai hukumu di'a mala'ekata-mala'ekata, wakutu ananga 'aḏi 'a'a ḏosa. Mada'a ya'u siupa'a ananga toma naraka ma dara re ya'u sigae ananga toma aḏu'u ga'a lai hafu. Toma ngi'i gena-ge ananga 'aḏi totoma singadolo ma wangere 'i ngadolo, wakutu Ma Jou'ongu Madutu 'o sijuruhakimi ngowa-ngowa'a.

1 Yohanes 1:6

Sababu gena-ge, na'o ngene wo aje nanga 'ahu marimoi ra Unanga, mada'a momongolo ua ngene wo 'ahu toma hafu-hafu ma dara moju, ngene ro sa-sakala re wo mete'e ua Ma Jou'ongu Madutu 'ai do-doto'o banari.

Yudas 1:13

Ananga gena-ge manga de'oso re ḏegoro pa'i sipula'a mara'a ḇato ma tero sa'olo momoku toma ngoloto 'o rato ya wusu-wusu ga'a sibaolo jeremoto. Ananga ma tero sa'olo mumuḏungu-mumuḏungu ga'a 'i tagi le'a ḇato sababu sigasa ngowa'a toma ngo'omo 'i pale-pale. Dadi di'a ananga Ma Jou'ongu Madutu ya'u sidodahe ḏua manga ngi'i toma hafu-hafu masala ga'a kasingado-ngadolo i'a.

Yudas 1:6

Ngini ni 'elingi ḏi'i mangale 'ua re 'au wali moju mala'ekata ga'a sito'u-to'u ananga manga kuasa, re tagi sisoi'i tala ananga manga ngi'i, Ma Jou'ongu Madutu 'a piri'u mala'ekata-mala'ekata gena-ge reo rate ga'a kama tola'a riwara, re ya'u singosama toma ngi'i hafu-hafu. Toma ngi'i gena-ge ananga gena-ge 'aḏi totoma singadolo ma wangere ma 'orasa 'i ngadolo wakutu Ma Jou'ongu Madutu singe-ngeta'a hukumu.

Tingoýi 21:24

Ngowa-ngowa'a toma dungia sitabi donga ḏuanga i'a 'aḏi tagi toma tarangi gena-ge ma dara re 'olana-'olana ḏi'i ḏuanga i'a 'aḏi gasa manga harata singosama toma limau gena-ge ma dara.