Yohanes 8:11 - Jaji ma Su-sungi

¹¹ Munanga ma sangoro, “Matengo i'a mai ua, Jou.” Ḏua Yesus 'o kanau, “Ngoi ḏi'i mau tini sihukumu ngana ua. Nange-ne no tagi re awa no 'a'a tinikai moju.”]

Yohanes 8:11 Iomraidhean Croise

Lukas 13:3

So'o gena ua! Mada'a Ngoi to siajele ra ngini nena-ne: Na'o ngini ni maḏibo toma ngo'omo boloto ua, ngini mo-moini ḏi'i ḏuanga i'a ni sanga sengene kasingado-ngadolo i'a.

Lukas 13:5

So'o gena ua! Soi moi moju ngoi to kanau ra ngini. Na'o ngini ni maḏibo toma ngo'omo boloto ua, ngini mo-moini ḏi'i ḏuanga i'a ni sanga sengene kasingado-ngadolo i'a.”

Lukas 15:10

Ngoi to siajele ra ngini nena-ne: So'o gena ḏi'i, Ma Jou'ongu Madutu re 'Ai mala'ekata 'aḏi monere na'o ngowa'a baraḏosa matengo ro maḏibo toma ngo'omo boloto.”

Lukas 15:32

Mada'a ngene balasu wo monere re wo 'a'a laya sababu 'ani nongoḏu gena-ge ro sengene, nange-ne dadunu 'o 'ahu moju, unanga ro iranga mada'a nange-ne dadunu 'o maḏibo moju!’ ”

Lukas 15:7

Ngoi to siajele ra ngini nena-ne: So'o gena ḏi'i, toma soroga lebe roanga na'o manusia baraḏosa ga'a ro ḏibo toma ngo'omo boloto reo ngowa'a nga nyagi siworo re nga siworo ga'a ḏibo toma ngo'omo boloto ua, sababu raḏi loasa re banari.”

Lukas 5:32

So'o gena ḏi'i, Ngoi to sapolo ua di'a 'aro'o ngowa'a loasa re banari mada'a di'a 'aro'o ngowa'a baraḏosa, la ananga gena-ge 'aḏi maḏibo toma ngo'omo boloto.”

Lukas 9:56

Gena ḏua, ananga 'aḏi tagi toma gamu ma lelegu.

Yohanes 18:36

Yesus 'o kanau, “Ngoi 'ari pareta ma 'asala toma dungia nena-ne ua. Sababu na'o ma 'asala toma dungia nena-ne, Ngoi 'ari ngowa-ngowa'a 'aḏi sapolo lawana, la ngowa'a Yahudi manga bi-biri'i 'aḏi cako'o Ngoi ua. Mada'a mode-mode'e Ngoi 'ari pareta ma 'asala toma dungia nena-ne ua.”

Yohanes 3:17

Sababu Ma Jou'ongu Madutu 'o 'utusu 'Ai Ngowa'a Nau'u di'a sihukumu ua manusia toma dungia nena-ne, mada'a di'a sisalamata ananga gena-ge.

Yohanes 5:14

Togumu i'a, Yesus 'o ma'u sanga ngowa'a gena-ge ra Ma Jou'ongu Madutu 'ai Wala ma soana. Yesus 'o kanau ra unanga, “Nange-ne ngana reno la. Awa no 'a'a ḏosa moju, la awa na sanga ma bahala lebe tubuso i'a.”

Yohanes 8:15

Ngini ni sijuruhakimi ngowa'a manga hali mete'e manusia manga mau, mada'a Ngoi, matengo i'a mai ua Ta sijuruhakimi ua.

Roma 2:4

Awa ni ta'ajiri ngini ni paralu ua ni maḏibo toma ngo'omo boloto, sababu Ma Jou'ongu Madutu 'ai 'akala re sinyingara ma la-la, re sababu Unanga 'ai 'akala ḇanyo lai lamo'o; dadi jau-jau Unanga 'o sihukumu ngini ua. Ngini ni waro ua, Unanga 'ai de'oso re ḏegoro so'o gena-ge ra ngini, la ngini ni sanga donga di'a ni maḏibo toma ngo'omo boloto.

1 Korintus 5:12

Ngowa-ngowa'a ga'a 'aḏi ngaku Yesus ua, ngoi 'ari kuasa 'i cua di'a ta'u sihukumu ananga. Pa'i Ma Jou'ongu Madutu ḇato, Unanga rai kuasa di'a sihukumu ananga. Mada'a ngini ga'a ngowa'a ngaku Yesus, ngini masiretene reninga haku di'a sihukumu jama'ata ga'a 'aḏi 'a'a ḏosa. Ma tero sa'olo 'i silefo ḏua toma Boku 'Ofi-'Ofi ma dara enanga ma betongo so'o ne: “Ngini na'u sisupu ngowa'a ma jira taninga sigolona.”

2 Petrus 3:15

'Eli-'elingi, Ma Jou'ongu Madutu 'ai 'akala ḇanyo gena-ge 'i pula'a donga toma manusia di'a ananga 'aḏi maḏibo toma ngo'omo boloto, la 'aḏi sanga salamata. Nanga ioronongoḏu ngo-ngaku rimoi ga'a wu dadalara, 'a Paulus, ro lefo surata-surata ḏua ra ngini. Re unanga gena-ge 'o lefo surata-surata gena-ge rai 'akala soro'unu ra Ma Jou'ongu Madutu tala.