Yohanes 7:4 - Jaji ma Su-sungi

⁴ Sababu matengo i'a mai ua ga'a 'o mau dadi ngowa'a la-lamo'o 'a gogono 'ai ga'a. Na'o Jou nga'unu no 'a'a ga'a hera-heranga, No tagi re No sijumu enanga gena-ge, la ngowa'a mo-moini toma dungia sitabi donga nyengara ya oḏi'i.”

Yohanes 7:4 Iomraidhean Croise

Matias 23:5

'Oru ḇato ga'a ananga ya si'a'a, enanga gena-ge di'a pa'i ngowa'a ya oḏi'i ḇato: Ananga 'aḏi mapake gumi ma nyiata ma ro-roata tamanga sae'e re giama re 'aḏi mapake juba ma renge-renge lai ki-kiḏanga.

Matias 4:6

Gena ḏua, 'Iblisi gena-ge 'i kanau ra Unanga, “Ngana nena-ne Ma Jou'ongu Madutu 'ai Ngowa'a Nau'u. Dadi No masipoini tala. Sababu toma Boku 'Ofi-'Ofi 'i silefo so'o ne: ‘Ma Jou'ongu Madutu ḏuanga i'a 'o soma'a 'Ai mala'ekata-mala'ekata 'aḏi jaga Ngana la-la. Re ḏi'i ananga 'aḏi 'alo Ngana, la 'Ani rou 'i nga'unu toma maḏi awa.’ ”

Matias 6:16

“Wakutu ngini ni puasa, awa ninga biono ḇuta, ma tero sa'olo ngowa'a munafiki! Ananga gena-ge ya tuhu manga biono wa'alo, la ngowa'a ya waro ananga 'aḏi puasa kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Matias 6:5

Re wakutu ngini ni manyiata, awa ni dadi sa'olo ngowa'a munafiki! Wakutu ananga gena-ge 'aḏi manyiata 'aḏi nyanyaḏi made-de'oso toma wala-wala puji re toma ngo'omo ma sola, la ngowa'a ya'u oḏi'i kara ya'u puji re silamo'o ananga. Ni ngaku mode-mode'e 'Ari demo-demo nena-ne: Ananga gena-ge manga ngogele rema enanga ḏua! Tantu ḏua Ma Jou'ongu Madutu nu puji re silamo'o ua!

Lukas 6:45

So'o gena ḏi'i ma tero sa'olo manusia: Ngowa'a la-la 'i waiti 'ori i'a ma la-la, sababu manga 'akala re sinyingara 'i romanga reo ga'a ma la-la. Ngowa'a ma jira 'i waiti 'ori i'a ma jira, sababu manga 'akala re sinyingara 'i romanga reo ga'a ma jira. Sababu 'oru ga'a ngini kanau, gena-ge 'i supu taninga 'akala re sinyingara ma dara ino.

Yohanes 18:20

Yesus 'o sangoro, “Ngoi to kanau toma mandan. Ngoi to doto'o tau-taunu toma wala-wala puji re ra Ma Jou'ongu Madutu 'ai Wala ma soana, ngi'i ngowa'a Yahudi 'aḏi malomu, soi moi nyangu Ngoi to kanau 'ori i'a Ta go-gogono.

Yohanes 7:3

Yesus 'ai no-nongoḏu 'aḏi kanau ra Unanga, “No sisoi'i tala ngi'i nena-ne, re tagi toma daeraha Yudea, la 'Ani me-mete'e da'a nga'unu 'aḏi oḏi'i 'Ani ga'a hera-heranga ḏi'i.

Yohanes 7:5

(Ananga 'aḏi kanau so'o gena-ge sababu 'Ai no-nongoḏu mai 'aḏi ngaku Unanga ua.)