Yohanes 7:16 - Jaji ma Su-sungi

¹⁶ Yesus 'a sangoro, “Ngoi to doto'o 'Ari do-doto'o ua, mada'a do-doto'o ra Unanga ga'a Ro 'utusu Ngoi.

Yohanes 7:16 Iomraidhean Croise

Yohanes 14:10

Ngana no ngaku bolo ua mangale Ngoi to marimoi Tari Ḇaḇa re 'Ari Ḇaḇa 'o marimoi ra Ngoi?! 'Oru ga'a to kanau ra ngini pa'i 'Ari demo masiretene ua. 'Ari Ḇaḇa ga'a 'O marimoi ra Ngoi, Unanga gena-ge 'O pake Ngoi di'a 'a'a 'Ai munara masiretene.

Yohanes 14:24

Unanga ga'a 'o dadalara Ngoi ua, unanga 'a mete'e ua 'Ari do-doto'o. Re Do-doto'o gena-ge pa'i ra Ngoi ḇato ua, mada'a Tari Ḇaḇa ga'a Ro 'utusu Ngoi.

Yohanes 17:14

Ngoi reta siajele ḏua ra ananga 'Ani demo-demo singadolo ngowa'a toma dungia nena-ne ya'u emono ananga, sababu ananga 'aḏi marimoi ua reo ngowa'a toma dungia nena-ne, ma tero Ngoi ḏi'i to marimoi ua reo ngowa'a toma dungia nena-ne.

Yohanes 17:8

'Ani demo ga'a Baba reno pula'a ra Ngoi, Ngoi ta siajele ḏua ra ananga. Re ananga gena-ge ya dawongo ḏua re raḏi waro mangale Ngoi mode-mode'e to sapolo ra Baba ino re ananga raḏi ngaku Baba reno 'utusu Ngoi ḏua.

Yohanes 3:11

No ngaku mode-mode'e 'Ari demo-demo nena-ne: Ngomi kanau pa'i mangale 'oru ga'a Ngomi ma waro, re mi pula'a sakisi pa'i mangale 'oru ga'a ngomi rema oḏi'i. Mada'a ngini ni dawongo ua ngomi minga sakisi.

Yohanes 3:31

Unanga ngowa'a matengo ga'a 'o sapolo da'u soroga tala, lebe la-lamo'o reo ngowa'a mo-moini. Mada'a matengo ga'a 'ai 'asala toma dungia nena-ne pa'i manusia ḇato, re 'o siajele dungia ma ngale-ngale. Mada'a ngowa'a matengo ga'a 'o sapolo da'u soroga tala lebe la-lamo'o reo ngowa'a mo-moini.

Yohanes 5:30

“Ngoi masiretene To 'a'a 'ori i'a mete'e 'Ari mau yoḏu'u. Ngoi pa'i to sijuruhakimi mete'e sa'olo 'Ari Ḇaḇa 'o siajele ra Ngoi. 'Ari putusanga gena-ge 'i 'adili, sababu Ngoi ta mete'e 'Ari mau masiretene ua, mada'a To mete'e 'Ari Ḇaḇa 'Ai mau, Unanga ga'a Ro 'utusu Ngoi.

Yohanes 6:44

Na'o 'ari Ḇaḇa ga'a 'utusu Ngoi, Unanga 'o sigasa ua ananga ra Ngoi, ḏua matengo i'a mai ua nyengara 'aḏi sapolo ra Ngoi. Re 'a guna ḇato ga'a sapolo ra Ngoi, ḏuanga i'a toma Kiamata ma Wangere, Ngoi dadunu ta'u si'ahu moju ananga.

Yohanes 8:28

Sababu gena-ge, Yesus 'o kanau ra ananga, “Maha ḏuanga i'a ngini ni sikau'u Ngoi, Manusia ma Ngowa'a Nau'u, kara ni waro mangale ‘Ngoi nena-ne Unanga ga'a 'o 'ahu kasingado-ngadolo i'a.’ Re ngini ḏuanga i'a ni waro mangale 'ori i'a rimoi i'a ua Ngoi ta si'a'a, mete'e Ngoi 'ari mau masiretene. Ngoi to siajele ra ngini, pa'i 'oru ḇato ga'a 'Ari Ḇaḇa 'O doto'o ra Ngoi.

2 Yohanes 1:9

'A guna ḇato 'o mete'e 'a Kristus 'ai do-doto'o ua, re 'o maki-kiḏanga 'oru ga'a Unanga ro doto'o, Ma Jou'ongu Madutu 'o marimoi ua ra unanga. Mada'a, 'a guna ḇato 'o mete'e tau-taunu Kristus 'ai do-doto'o, Ma Jou'ongu Madutu, re 'Ai Ngowa'a Nau'u ḏi'i 'aḏi marimoi ra unanga.

Tingoýi 1:1

Boku nena-ne 'i silefo mangale Yesus Kristus 'o siajele mangale 'oru ga'a tantu ḏua ḏuanga i'a 'i dadi ti'ara riwara. Ma Jou'ongu Madutu 'a siajele ra Kristus so'o gena-ge, la Unanga 'o sijumu toma ngowa-ngowa'a ga'a ta Ma Jou'ongu Madutu ma tero sa'olo 'Ai budaka-budaka, mangale 'ori i'a i'a ḏuanga i'a 'i dadi. Yesus Kristus 'o cumutu 'Ai mala'ekata sapolo di'a siajele mangale gena-ge ra ngoi, Yohanes ga'a ta Ma Jou'ongu Madutu ma tero sa'olo 'Ai budaka.