Yohanes 7:12 - Jaji ma Su-sungi

¹² Toma laya gena-ge ma dara, ngowa'a repe 'aḏi ma'u jujuḏu mangale Unanga. Mamuni'a 'aḏi kanau, “Unanga ngowa'a la-la.” Mada'a mamuni'a ḏi'i 'aḏi kanau, “Ua, Unanga 'o sihaga ngowa'a repe.”

Yohanes 7:12 Iomraidhean Croise

Matias 10:25

Lai rousu ḏua na'o murid 'o dadi sa'olo 'ai guru, re budaka 'o dadi sa'olo 'ai tuanga. Na'o Ngoi ma tero sa'olo sae'e toma ngale ma dara silomanga Beelzebul, ma la-lamo'o i'a ḏi'i ngini toma wala ma dara, silomanga lebe cira i'a ḏi'i!”

Matias 21:46

Dadi ananga 'aḏi disa ngo'omo di'a cako'o Unanga. Mada'a ananga 'aḏi mojongo ngowa'a repe sababu ananga 'aḏi ngaku Yesus gena-ge 'o dadi nabi.

Matias 27:63

re 'aḏi kanau, “Tuanga, ngomi mi 'elingi Yesus, tukanga sa-sakala, wakutu Unanga 'o 'ahu-'ahu moju Ro kanau, ‘Toma wangere ro'ange Ngoi dadunu to 'ahu moju.’

Lukas 18:19

Yesus 'o sano ra unanga, “I'a sa'olo ngana no si'aro'o Ngoi to la madutu! Matengo i'a mai ua 'o la madutu, ḏuga-ḏuga Ma Jou'ongu Madutu ḇato.

Lukas 23:47

Sordado ma sae'e 'o oḏi'i 'oru ga'a 'i dadi ḏua, unanga 'o puji re silamo'o Ma Jou'ongu Madutu re 'o kanau, “Mode-mode'e Unanga nena-ne ngowa'a loasa re banari!”

Lukas 23:50

'Age rema ngowa'a matengo 'ai lomanga 'a Yusuf, unanga 'ai 'asala toma limau Arimatea toma daeraha Yudea. Unanga ngowa'a la-la re ngowa'a loasa re banari, re 'o totoma Ma Jou'ongu Madutu 'ai Pareta. Unanga ḏi'i 'o osama nyo-nyoimi toma Mahkamah 'Agama mada'a 'o mete'e ua Mahkamah 'Agama manga putusanga di'a sisengene Yesus.

Lukas 6:45

So'o gena ḏi'i ma tero sa'olo manusia: Ngowa'a la-la 'i waiti 'ori i'a ma la-la, sababu manga 'akala re sinyingara 'i romanga reo ga'a ma la-la. Ngowa'a ma jira 'i waiti 'ori i'a ma jira, sababu manga 'akala re sinyingara 'i romanga reo ga'a ma jira. Sababu 'oru ga'a ngini kanau, gena-ge 'i supu taninga 'akala re sinyingara ma dara ino.

Lukas 7:16

Ananga mo-moini 'aḏi mojongo re mulaingi 'aḏi puji re silamo'o Ma Jou'ongu Madutu. Ananga 'aḏi kanau, “Nabi la-lamo'o matengo ro sapolo tananga sigolona. Ma Jou'ongu Madutu ro sapolo di'a riono 'Ai ngowa-ngowa'a.”

Yohanes 6:14

Ngowa'a repe ga'a ya oḏi'i Yesus 'o 'a'a ga'a hera-heranga gena-ge, ananga 'aḏi kanau, “Mode-mode'e Unanga nena-ne Nabi ga'a ngene wo singanono 'O sapolo toma dungia nena-ne.”

Yohanes 7:32

Ngowa'a Farisi nga muḏuo i'a 'aḏi 'isene ngowa'a repe 'aḏi majujuḏu mangale 'a Yesus. Dadi ngowa'a Farisi re 'imam-'imam ma sae'e ananga 'aḏi soma'a Ma Jou'ongu Madutu 'ai Wala ma ja-jaga 'aḏi tagi cako'o 'a Yesus.

Yohanes 7:47

Ngowa-ngowa'a Farisi 'aḏi kanau, “ 'Oru ngini ḏi'i Unanga nu'u sihaga?!

Yohanes 7:52

Ananga gena-ge 'aḏi sangoro, “ 'Oru ngana ngowa'a Galilea ḏi'i?! Disa waro ḇato toma Boku 'Ofi-'Ofi re ngana na sanga waro mangale nabi matengo i'a mai ua, 'ai 'asala toma Galilea ino!” [

Yohanes 9:16

Ngowa'a Farisi nga muḏuo i'a 'aḏi kanau, “Unanga gena-ge 'ai 'asala ua ra Ma Jou'ongu Madutu tala, sababu 'o silamo'o ua Sabata ma wangere.” Mada'a ngowa'a Farisi ma lelegu ḏi'i 'aḏi kanau, “Tantu ḏua, ngowa'a baraḏosa 'a nga'unu ua 'o 'a'a didina'o heranga so'o gena-ge?” Gena ḏua, ananga mulaingi 'aḏi ma'u tolabe i'a re ino.

Yesus 'ai so-soma'a 11:24

Barnabas 'ai 'akala re sinyingara lai la-la re Ma Ngagara 'Ofi-'Ofi 'u ḏegoro re 'ai ngo-ngaku 'i te'e masala singadolo ngowa'a manga repe raḏi ngaku Ma Jou Yesus.

Roma 5:7

Biasa kalaha toma ngowa'a manga momina 'age ngowa'a matengo i'a ga'a 'o mete'e Musa 'ai hukumu, matengo i'a mai ua 'o mau sengene di'a sisalamata unanga gena-ge. Mada'a ḏa matengo i'a 'o nau'u di'a sengene, la sisalamata ngowa'a matengo i'a ga'a 'ai 'akala re sinyingara la-la!

Filipi 2:14

Ni si'a'a mo-moini reninga guḏubungu awa, bolo ni ma'u rubutu awa.