Yohanes 6:9 - Jaji ma Su-sungi

⁹ “ 'Ane ngowa 'olo na-nau'u matengo unanga rai roti ngai romotoa re 'ai nyao'o ngai ḏiḏi. Mada'a, tantu ḏua enanga gena-ge 'i ngadolo ua di'a ngowa'a repe nena-ne!”

Yohanes 6:9 Iomraidhean Croise

Matias 14:17

Yesus 'ai me-mete'e 'aḏi kanau, “Ngomi minga dodahe pa'i roti ngai romotoa re nyao'o ngai ḏiḏi!”

Matias 16:9

Ngini ni sahe nyangu moju! Ngini ni 'elingi bolo ua mangale 'o roti ngai romotoa ga'a Ngoi ta poti-poti di'a ngowa'a nga cala romotoa re ma bai'i pipigu muḏuo ga'a ngini na lomu?!

Markus 6:38

Ḏua Yesus 'o sano, “Ninga roti ngai muḏuo? Tagi ni disa si.” Ananga tagi ya disa toma ngowa'a repe manga sigolona kara 'aḏi ḏibo 'aḏi kanau, “Ngomi mi sanga roti ngai romotoa re nyao'o ngai ḏiḏi.”

Markus 8:19

Wakutu roti ngai romotoa ta pinga-pingana di'a ngowa'a nga cala romotoa, ngini ni lomu ma bai'i pipigu muḏuo? Ananga ya sangoro, “Pipigu nyagi moi re romoḏiḏi.”

Lukas 9:13

Yesus 'a sangoro, “Ngini balasu pula'a oromo ananga.” 'Ai me-mete'e 'aḏi kanau, “Ngomi minga roti pa'i ngai romotoa re minga nyao'o pa'i ngai ḏiḏi. Dadi ngomi balasu mi tagi tibo ngo-ngoromo di'a ngowa'a manga repe nena-ne!”

Yohanes 11:21

Marta mo kanau ra Yesus, “Ma Jou, na'o Ma Jou 'ane ḏua toma wangere gena-ge, tantu ḏua 'ari iḏanga 'o sengene ua.

Yohanes 11:32

Wakutu ngo Maria mo ma'u sanga ra Yesus, munanga mo maḏipolono ra Yesus 'ai biono re mo kanau, “Ma Jou, na'o Ma Jou 'ane ḏua, tantu ḏua 'ari iḏanga, 'a Lazarus, 'o sengene ua.”

Yohanes 21:10

Yesus 'o kanau ra ananga, “Ino ni gasa nyao'o ngai muḏuo i'a ga'a aro na sanga.”

Yohanes 21:13

Ḏua Yesus 'o masebanga i'a ra ananga re 'O 'oro roti, kara 'O pula'a ra ananga. Re ḏi'i, Unanga 'o 'oro nyao'o, kara 'O pula'a ra ananga.

Yohanes 21:9

Wakutu ananga 'aḏi 'uci tamanga oti ino, ananga 'aḏi oḏi'i 'age rema nyao'o 'osumu toma u'u ga'a 'i si'a'a reo konu'u, re 'o roti ḏi'i.

Yohanes 6:11

Gena ḏua, Yesus 'a 'oro roti gena-ge re 'O sibere ie murasa ma la ra Ma Jou'ongu Madutu, kara 'A sibalangu roti gena-ge toma ngowa'a repe. So'o gena ḏi'i nyao'o gena-ge. Dadi ngowa'a repe 'aḏi oromo singadolo 'aḏi matai wunusu mo-moini.

Yohanes 6:7

Filipus 'o sangoro, “Kalaha matengo re matengo sanga roti pa'i ceka'a ua, roti ma ijana pipisi salaka latu ḏiḏi mai ngadolo ua, di'a ngowa'a manga repe nena-ne.”

2 Korintus 8:9

Ngoi to paralu ua di'a parenta ngini sababu ngini rena waro mode-mode'e nanga Jou Yesus Kristus 'o dadalara ngene. Unanga gena-ge ngowa'a rema-enanga toma soroga, 'O kama kuranga 'oru ua. Mada'a Unanga 'o sisoi'i tala gena-ge re 'O madadi ngowa'a ma dinga'unu ua toma dungia nena-ne di'a ngini ninga paralu. Dadi Yesus 'ai dinga'unu ua gena-ge sidadi ngini ngowa'a rema-enanga toma soroga.

Tingoýi 6:6

Re ngoi to 'isene ma tero sa'olo iḏingi toma makhluk rata enanga ma sigolona. Iḏingi gena-ge ma betongo so'o ne: “Gandum ma la-la, ma ijana liter rimoi lai hali ma tero ngowa'a matengo 'ai gaji di'a munara wange moi. Re gandum ma rousu ua, ma ijana liter ro'ange hali ḏi'i ma tero ngowa'a matengo 'ai gaji di'a munara wange moi. Mada'a sijira awa ate-ate zaitun re guḏa 'anggur!”