Yohanes 6:2 - Jaji ma Su-sungi

² Wakutu Yesus ngadolo da'a talaga kaci moi, ngowa'a manga repe 'aḏi mete'e Unanga, sababu ananga ya oḏi'i ḏua Unanga 'o 'a'a didina'o heranga: Unanga 'o si-la ngowa-ngowa'a siḏi.

Yohanes 6:2 Iomraidhean Croise

Matias 12:15

Yesus 'a waro mangale ngowa'a Farisi manga 'ulungu ma jira ra Unanga. Dadi Yesus tagi 'a sisoi'i tala ngi'i gena-ge re ngowa'a repe 'aḏi mamete'e ra Unanga. Re Unanga 'o si-la ngowa'a siḏi mo-moini.

Matias 13:2

Unanga 'o malage toma oti, sababu ngowa'a repe 'u gowolo Unanga re ananga gena-ge 'aḏi made-de'oso toma talaga ma 'uḏu.

Matias 14:14

Wakutu Yesus 'o 'uci toma oti ino re 'O oḏi'i ngowa'a repe, Tai 'akala re sinyingara 'i baolo dadalara ra ananga. Dadi Unanga 'o si-la ngowa-ngowa'a siḏi toma ngowa'a repe manga sigolona.

Matias 8:1

Wakutu Yesus 'uci da'u kie tala, ngowa'a repe 'U mete'e Unanga.

Markus 1:45

Mada'a pasala i'a, ngowa'a gena-ge 'o tagi re 'o sihabari mangale gena-ge le'a bolo le'a, singadolo Yesus 'o masimaha ua re 'O osama toma limau-limau lelegu sababu ngowa'a repe 'aḏi disa Unanga. Ḏua, Unanga 'o tegoro toma limau ma ḏuḏunu toma ngi'i-ngi'i ga-garura, mada'a ngowa'a manga repe dina re dai, da'a re 'ane 'aḏi matai sapolo ḇato ra Unanga.

Markus 6:33

Mada'a ngowa'a repe 'aḏi oḏi'i re ya'u waro Yesus re 'Ai me-mete'e ya'u sisoi'i tala ananga. Dadi ngowa-ngowa'a toma limau mo-moini toma daeraha gena-ge 'aḏi la-lalara ya sitola'a ma ji'o tagi mete'e tana'a dudungu re ananga 'aḏi ngadolo siḏa.

Yohanes 11:47

Sababu gena-ge ngowa-ngowa'a Farisi, 'imam-'imam ma sae'e re 'agama ma bi-biri'i lelegu ga'a osama nyo-nyoimi toma Mahkamah 'Agama, ananga 'aḏi malomu re 'aḏi ma'u sano, “Ngene balasu wo 'a'a sa'olo toma Unanga gena-ge? Unanga ro 'a'a ga'a hera-heranga ma repe.

Yohanes 12:18

Sababu gena-ge, ngowa'a manga repe matai tagi ma'u sanga ra Yesus, sababu ananga ya 'isene Yesus 'a 'a'a ga'a hera-heranga gena-ge.

Yohanes 12:37

Kalaha Yesus 'o 'a'a ga'a hera-heranga lai repe tamanga sigolona, ananga 'U ngaku ua moju.

Yohanes 2:11

Gena-ge Yesus 'ai didina'o heranga ma mulaingi re 'O 'a'a toma limau Kana, daeraha Galilea. Tai didina'o heranga gena-ge Unanga 'a sijumu 'Ai kuasa, dadi Unanga 'ai me-mete'e ananga 'aḏi ngaku Unanga.

Yohanes 2:23

Wakutu Paskah ma Wangere, Yesus 'age toma limau Yerusalem, ngowa'a manga repe 'aḏi ngaku Unanga sababu ananga 'aḏi oḏi'i 'Ai ga'a hera-heranga.

Yohanes 20:30

'Age ga'a hera-heranga ma repe moju ga'a Yesus 'o si'a'a Tai me-mete'e manga momina, mada'a gena-ge 'i silefo ua toma boku nena-ne.

Yohanes 3:2

Toma utu moi 'o sapolo ra Yesus re 'o kanau, “Rabi, ngoi to waro Jou guru ga'a Ma Jou'ongu Madutu 'U 'utusu. Sababu matengo i'a mai ua nga'unu 'o 'a'a ga'a hera-heranga ma tero sa'olo Jou, na'o Ma Jou'ongu Madutu 'o mamete'e ra unanga ua.”

Yohanes 6:14

Ngowa'a repe ga'a ya oḏi'i Yesus 'o 'a'a ga'a hera-heranga gena-ge, ananga 'aḏi kanau, “Mode-mode'e Unanga nena-ne Nabi ga'a ngene wo singanono 'O sapolo toma dungia nena-ne.”

Yohanes 6:22

Ma ḇiḇini ino, ngowa'a repe 'ane toma talaga kaci moi moju 'aḏi sapolo disa Yesus, sababu ananga ya waro oti pa'i rimoi toma talaga ma 'uḏu 'au nyigo. Ananga raḏi oḏi'i Yesus 'ai me-mete'e raḏi si'a da'a kaci moi reo oti gena-ge, re waro ḏi'i Yesus 'o mete'e ua.

Yohanes 6:26

Yesus 'a sangoro, “Ni ngaku mode-mode'e 'Ari demo-demo nena-ne: I'a sa'olo ngini ni disa Ngoi? Sababu ni oḏi'i Ngoi to 'a'a ga'a hera-heranga re ni sahe ga'a gena-ge ma ngale 'oru?! Ua! Ngini ni disa Ngoi sababu ngini reni oromo singadolo reni wunusu!

Yohanes 6:30

Dadi ananga 'aḏi kanau, “Na'o so'o gena, no 'a'a ga'a hera-heranga, la ngomi ma oḏi'i re mi ngaku Ma Jou'ongu Madutu 'o 'utusu Ngana.